Wan tu sani

◼ Sani di wi sa pristeri na ini november: Teki leri fu a Bigi Leriman. Efu sma taki dati den no abi pikin, dan yu kan pristeri a Tan na ai!-brochure. December: Sabi di e tjari joe go na têgo libi. Noso yu kan pristeri a buku Joe kan libi foe têgo na ini wan paradijs na grontapoe, noso A sroto gi wan kolokoe osofamiri. Yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru buku disi di yu kan gebroiki. Efu den owru buku disi no de fu kisi moro, dan yu kan pristeri a Sabi-buku noso a Tan na ai!-brochure. Februari: Sabi di e tjari joe go na têgo libi. Noso yu kan pristeri a buku Joe kan libi foe têgo na ini wan paradijs na grontapoe, noso A sroto gi wan kolokoe osofamiri.

◼ Fu di a mun december abi feifi satra nanga feifi sonde, meki a ben o bun fu go na ini a yepi-pionierwroko.

◼ Wan tu Bijbel publikâsi de fu kisi di wi kan prati spesrutu gi sma fu wan difrenti kulturu noso bribi. A brada di de na a bukutafra kan luku tapu na Aanvraagformulier voor lectuur (S-14) sortuwan fu den publikâsi disi de fu kisi na ini wi kondre.

◼ Ala preikiman e kisi a deki-ati fu meki a karta Geneeskundige wilsverklaring en machtiging di e sori taki wi no e teki brudu, efu den no du dati ete. Boiti dati, efu den meki a karta kaba ma den musu kenki wan tu sani na tapu, dan den musu du dati tu. A karta disi e sori sma krin taki yu e weigri fu teki brudu. Te yu abi yepi fanowdu fu den owruman, dan den sa yepi yu.—Luku na inibere pisi fu Wi Kownukondre diniwroko fu november 2006.

◼ Preikiman no abi fu meki bijbelstudie raportu (S-3) moro gi ibriwan fu den bijbelstudie di den hori na ini a mun. Ma den musu tan skrifi na tapu den preikiwroko raportu (S-4) omeni bijbelstudie den ben hori. Nownow kaba den brada o gebroiki den S-3 papira soso fu skrifi omeni sma ben kon na den konmakandra.

◼ A bijkantoro no sa seni den S-29 papira (Adresverandering van presiderend opziener/secretaris) moro makandra nanga den tra papira di den e seni ala yari gi den gemeente. Ibri leisi te den owruman e seni so wan papira go na a bijkantoro fu meki den brada sabi taki wan kenki kon, dan a bijkantoro sa seni wan papira pe noti no skrifi na tapu, baka gi den owruman.

◼ Ten na ten a e pasa taki owruman, dinari ini a diniwroko, noso pionier de fanowdu na ini son gemeente na ini wi kondre. Efu a situwâsi fu yu e gi yu na okasi fu go dini na wan gemeente di abi yepi fanowdu, dan yu kan leisi na artikel di nen „Yu Kan Dini Pe Moro Wrokoman De Fanowdu?” na ini Wi Kownukondre diniwroko fu yuli 2001. Wan pisi na ini na artikel dati e taki: „Efu baka di yu begi seryusu fu a tori disi, yu e si taki yu man teki a tyalensi fu froisi go pe moro wrokoman de fanowdu, dan taki a tori disi nanga na osofamiri fu yu èn nanga den owruman ini yu gemeente. Dan skrifi wan brifi èn gi den owruman a brifi disi so taki den kan skrifi tu fa den feni a tori, bifo den e seni en go na a bijkantoro.” Boiti dati, na artikel e sori tu san yu musu skrifi na ini a brifi.—Luku sosrefi a Wi orga-buku blz. 111, 112.

◼ No so langa pasa disi kon na doro: Leven — Hoe is het ontstaan? Door evolutie of door schepping?—Bakratongo, gi brenisma