Wan tu sani

◼ Sani di wi sa pristeri na ini yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de moro na ini yu gemeente, dan grantangi luku efu wan tra gemeente abi wan tu fu den owru buku disi di yu kan gebroiki. Efu den owru buku disi no de moro, dan yu kan pristeri a Sabi-buku noso a Tan na ai!-brochure. Februari: Sabi di e tjari joe go na têgo libi. Noso yu kan pristeri a buku Joe kan libi foe têgo na ini wan paradijs na grontapoe, noso A sroto gi wan kolokoe osofamiri. Maart: San Bijbel e leri wi trutru? Meki muiti spesrutu fu bigin wan bijbelstudie. April: A Waktitoren nanga Ontwaakt! Go baka na den sma di wani sabi moro, sosrefi den sma di kon na a Memrefesa noso na tra bigi konmakandra, ma di no abi demakandra nanga a gemeente doronomo. Meki muiti fu bigin wan oso-bijbelstudie nanga den sma disi.

◼ Fu di a mun maart abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ Den gemeente musu seti sani bun fu kan hori a Memrefesa tapu satra 22 maart fu a yari disi, baka te sondongo. A lezing kan bigin moro fruku, ma den simbôl gi a Memrefesa no musu bigin prati bifo sondongo. Ondrosuku o lati a son e dongo na ini a kontren fu yu. A ben o bun taki ibri gemeente hori en eigi Memrefesa. Ma a no ala ten dati kan. Te wan tu gemeente gwenti fu gebroiki a srefi Kownukondre zaal, dan kande wán noso moro fu den gemeente kan hori a Memrefesa na wan tra presi a neti dati. Pe a kan, dan wi wani gi unu a rai fu no gebroiki moro mendri leki 40 miniti na mindri den tu programa, so taki ala sma kan kisi wini fu a demakandra di den sa abi baka a Memrefesa. Un musu luku sosrefi pe unu o poti den wagi, noso pe unu o meki den wagi stop fu saka sma noso fu meki sma kon na ini den wagi. A skin fu owruman musu bosroiti sortu seti na a moro bun seti gi a gemeente fu den.

◼ A gemeente sekretarsi musu luku efu ibri gewoon pionier na ini a gemeente abi wan brifi di e sori taki a poti leki pionier (S-202). Efu dati no de so, dan a musu skrifi a bijkantoro.

◼ Na ini a wiki fu 4 augustus 2008 wi o bigin studeri a buku A moro bigi man di oiti ben libi, na a gemeente bukustudie.

◼ Nyun publikâsi:

Ondrosuku den buku fu Bijbel ala dei 2008—Bakratongo, gi brenisma