Wan tu sani

◼ Sani di wi sa pristeri na ini maart: San Bijbel e leri wi trutru? Meki spesrutu muiti fu bigin wan bijbelstudie. April nanga mei: A Waktitoren nanga Ontwaakt! Go baka na den sma di wani sabi moro, sosrefi den sma di kon na a Memrefesa noso na a spesrutu lezing, ma di no abi demakandra nanga a gemeente doronomo. A marki di wi abi te wi go baka na den sma dati, na fu bigin wan oso-bijbelstudie nanga den. Yuni: San Bijbel e leri wi trutru? Meki spesrutu muiti fu bigin wan bijbelstudie.

◼ Den gemeente musu gi den preikiman den nyun Waktitoren nanga Ontwaakt! wantewante te den kisi den. Disi sa meki taki den preikiman kan leisi den artikel na ini, bifo den pristeri den tijdschrift na ini a preikiwroko.

◼ A fesiman-opziener musu aksi wan sma fu luku den moni afersi fu a gemeente fu den mun december, yanuari, nanga februari. A no musu aksi a srefi sma fu luku den moni afersi ibri leisi baka. Te a sma luku den moni afersi kaba, dan taki fu disi na ini a gemeente, baka te unu leisi a raportu fu moni afersi fu a mun di pasa.—Luku Instructies voor de gemeenteboekhouding (S-27).

◼ A nen fu a distrikt kongres fu 2008 na „A santa yeye fu Gado e tiri wi”. Wi Kownukondre diniwroko fu april sa abi bun rai na ini di kan yepi wi fu sreka wisrefi so taki wi kan de na ala den pisi fu a programa na ala den dri dei fu a kongres. No draidrai fu aksi fri fu a wroko fu yu te dati de fanowdu, so taki yu kan de ala den dri dei na a distrikt kongres.

◼ No so langa pasa a DVD disi kon na doro:

Jonge mensen vragen — Hoe kom ik aan echte vrienden? A felem disi ben de tapu video kaba, ma now a de fu kisi tapu DVD na ini difrenti tongo, sosrefi Bakratongo.