Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 28 april 2008. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 3 maart te go miti 28 april 2008.

FA FU TAKI MORO BUN

1. Fu san ede a de prenspari fu gebroiki den tori di wi kisi fu hori wi lezing, èn fa wi kan du dati? [be blz. 234 par. 1–blz. 235 par. 1]

2. Fu san ede a de so prenspari fu poti aksi te wi e gi sma leri? [be blz. 236 par. 1-5]

3. Fa wi kan gebroiki aksi fu taki-go-taki-kon nanga den arkiman fu wan tori? [be blz. 237 par. 3–blz. 238 par. 1]

4. Fu san ede a de prenspari te wi e gi leri, fu poti aksi na wan koni fasi, so taki den arkiman e kisi deki-ati fu taki fa den e denki fu wan tori? (Odo 20:5; Mat. 16:13-16; Yoh. 11:26) [be blz. 238 par. 3-5]

5. Fu san ede a de prenspari fu gebroiki agersitori te wi e gi leri? (Gen. 22:17; Yer. 13:11) [be blz. 240 par. 1-3]

LEZING NR. 1

6. San na wan tu prenspari gronprakseri di e kon na krin na ini a buku Markus, di sa yepi wi fu kisi libi na ini wan grontapu pe Gado Kownukondre e tiri? [si-O blz. 186 par. 32]

7. Fa a santa yeye e yepi den futuboi fu Gado na ini a ten disi? (Yoh. 14:25, 26) [be blz. 19 par. 2, 3]

8. San na a moro bigi winimarki di wi e kisi te wi e leisi? [be blz. 21 par. 3]

9. San wi musu du te wi e studeri? [be blz. 27 par. 3–blz. 28 par. 1]

10. Fa na Evangelietori fu Lukas e gi wi wan moro tranga overtoigi taki Gado meki sma skrifi den Hebrew Buku fu Bijbel? [si-O blz. 192 par. 30, 31]

ALAWIKI LEISIPISI FU BIJBEL

11. Fu san ede Yesus piri-ai gi wan man di kari en „bun Leriman”? (Mark. 10:17, 18) [w08 15/2 „A Wortu fu Yehovah de libilibi—Edepenti fu a buku Markus”]

12. Sortu sani di abi fu du nanga a pipel Israel, Yesus ben agersi nanga a figa bon? (Mark. 11:12-14, 20, 21) [w03 15/5 blz. 26 par. 2, 3]

13. Na engel Gabrièl ben taigi Maria taki a ben o „de nanga bere” fu di a santa yeye fu Gado ben o kon na en tapu èn a krakti fu Gado ben o tapu en. San den wortu disi wani taki? (Luk. 1:30, 31, 34, 35) [w08 15/3 „A Wortu fu Yehovah de libilibi—Edepenti fu a buku Lukas”; it-O-1 blz. 1275 par. 1]

14. A de so trutru taki den disipel fu Yesus ben e du ’sani di den no ben mag du tapu sabadei’? (Luk. 6:1, 2) [gt 31]

15. San wi kan leri fu a rai di Yesus gi Marta? (Luk. 10:40-42) [w99 1/9 blz. 31]