Wan tu sani

◼ Sani di wi sa pristeri na ini mei: A Waktitoren nanga Ontwaakt! Wi sa meki spesrutu muiti fu go baka na den sma di wani sabi moro, sosrefi den sma di kon na a Memrefesa noso na a spesrutu lezing, ma di no abi demakandra nanga a gemeente doronomo. A marki di wi abi te wi go baka na den sma dati, na fu bigin wan oso-bijbelstudie nanga den. Yuni: San Bijbel e leri wi trutru? Meki spesrutu muiti fu bigin wan bijbelstudie. Yuli nanga augustus: Jeje foe den dedewan—Den man jepi joe noso den man doe joe ogri?; Njan Boen Foe Tégo Foe A Libi Na Grontapoe!; San Gado e aksi foe wi?; Tan na ai!; Yu kan de Gado mati!

◼ Den owruman fu den difrenti gemeente musu leisi a brifi baka fu 6 yuli 2006, di e fruteri wi fa fu sreka wisrefi gi rampu. Den musu de seiker taki den abi den yoisti adres nanga telefon-nomru fu ibri preikiman. Efu wan sma e libi na wan presi pe rampu e pasa makriki, a musu gi a nen tu fu wan tra sma di no e libi na ini a birti fu en, èn di den brada kan kontakti te wan rampu de. A no de fu taki, dati a bun ala ten te preikiman e taigi den bukustudie-opziener, noso wan tra owruman taki den no o de gi wan heri pisi ten, soleki te den e go nanga fakansi, te den musu go wroko na wan farawe presi, te den musu go didon na ati-oso, noso tra sani.

◼ Grantangi hori na prakseri taki wi no o abi a spesrutu papira fu gi sma wan kari fu kon na a distrikt kongres fu 2008. Ma, na ini a ten di e kon wi e seti sani fu du wan prenspari wroko fu gi kotoigi na heri grontapu. Bakaten wi o kisi moro bodoi fu a seti disi.

◼ DVD di kon na doro no so langa pasa:

De bijbel — Een boek met feiten en profetieën. Na tapu a DVD disi difrenti tongo de, èn sosrefi na ini Bakratongo. Dri programa de na tapu a DVD, di ben kon kaba na ini Bakratongo na tapu video. A video dati ben abi dri pisi: De bijbel — Nauwkeurige geschiedenis, betrouwbare profetieën (deel 1); De bijbel — Het oudste moderne boek van de mensheid (deel 2) nanga De bijbel — Een boek dat kracht uitoefent in uw leven (deel 3).