Wan tu sani

◼ Sani di wi sa pristeri na ini september: San Bijbel e leri wi trutru? Meki spesrutu muiti fu bigin wan bijbelstudie a fosi leisi te yu e miti wan sma. Efu den ososma abi a buku kaba, dan sori den syatu fa wan bijbelstudie e hori èn fa den kan kisi wini fu dati. Oktober: A Waktitoren nanga Ontwaakt! Efu wan sma wani sabi moro fu Bijbel, dan yu kan gi en a traktaat di nen Yu Ben Sa Wani Sabi Moro fu Bijbel? Taki nanga en fu a traktaat disi so taki yu kan bigin wan bijbelstudie. November: San Bijbel e leri wi trutru? Meki spesrutu muiti fu bigin wan bijbelstudie. December: A moro bigi man di oiti ben libi. Efu na ososma abi pikin, dan yu kan pristeri en a buku Teki leri fu a moro Bigi Leriman.

◼ Fu di a mun november abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ A spesrutu publikitaki di musu hori na a ten fu a Memrefesa fu 2009, sa hori na ini a wiki fu 20 april 2009. Bakaten a nen fu a publikitaki sa meki bekènti. Den gemeente di abi a kring-opziener a wiki dati, noso den gemeente di abi wan kring konmakandra noso wan spesrutu dei konmakandra tapu a satra noso a sonde fu a wiki dati, o abi a spesrutu publikitaki a wiki baka dati. Nowan gemeente musu hori a spesrutu publikitaki bifo 20 april 2009.

◼ A fesiman-opziener musu aksi wan sma fu luku den moni afersi fu a gemeente fu den mun yuni, yuli nanga augustus. A no musu aksi a srefi sma fu luku den moni afersi ibri leisi baka. Te a sma luku den moni afersi kaba, dan taki fu disi na ini a gemeente, baka te unu leisi a raportu fu moni afersi fu a mun di pasa.—Luku Instructies voor de gemeenteboekhouding (S-27).

◼ Bigin fu 1 yanuari 2009, A Waktitoren na ini Sranantongo di wi e prati na ini a preikiwroko, no sa kon moro ibri mun, ma wi sa kisi en wán leisi ibri dri mun. Na so fasi a Vertaalafdeling o man kaba nanga a vertaalwroko fu den Hebrew Buku fu Bijbel.

◼ Nyun publikâsi:

De mens op zoek naar God— Bakratongo, gi brenisma