Wan tu sani
◼ Sani di wi sa pristeri na ini Oktober: A Waktitoren nanga Ontwaakt! Efu wan sma wani sabi moro fu Bijbel, dan yu kan gi en a traktaat di nen Yu Ben Sa Wani Sabi Moro fu Bijbel? Taki nanga en fu a traktaat disi so taki yu kan bigin wan bijbelstudie. November: San Bijbel e leri wi trutru? Meki spesrutu muiti fu bigin wan bijbelstudie. December: A moro bigi man di oiti ben libi. Efu na ososma abi pikin, dan yu kan pristeri en a buku Teki leri fu a Bigi Leriman. Yanuari: San Bijbel e leri wi trutru? Efu na ososma abi a buku kaba, dan yu kan pristeri iniwan buku di tyari kon na doro fosi 1992 èn di a gemeente abi ete.
◼ Fu di november abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.
◼ Sani di a fesiman-opziener nanga a skoro-opziener musu hori na prakseri: A nyun schema gi a konmakandra o bigin na ini a wiki fu 29 december 2008. A nyun schema disi sa de fu feni tu na ini Wi Kownukondre diniwroko fu december 2008. Te yu o hori a syatu luku fu a Theokrasia Diniwroko-skoro, dan yu musu hori yusrefi na den rai di skrifi na a ondro-edeprakseri di nen „Takimakandra fu luku baka san wi leri”. Den rai disi yu kan feni na ini schema gi a Theokrasia Diniwroko-skoro fu 2009. A neti dati, wi no sa luku a pisi di nen „Penti fu leri taki moro bun”.
◼ Na wan fu den Diniwroko Konmakandra na ini yanuari wi sa taki fu a DVD Geen bloed—De geneeskunde kan de uitdaging aan. Efu a de fanowdu, dan preikiman kan seni aksi a DVD disi so esi leki a kan.
◼ A tra leisi te den gemeente o seni aksi publikâsi, dan den musu bigin seni aksi den jaargang fu De Wachttoren nanga Ontwaakt! fu a yari 2008, a Jaarboek 2009, èn sosrefi a Watchtower Library—2008 na tapu CD-ROM. Hori na prakseri taki a Watchtower Library—2008 na soso gi dopu memre fu a gemeente, èn den kan kisi dati soso nanga yepi fu a gemeente. Preikiman di e gebroiki a Wachtower Library furu, musu luku efu a de fanowdu ete taki den seni aksi den jaargang.
◼ Nyun publikâsi:
Wat jonge mensen vragen— Praktische antwoorden, Pisi 2 — Bakratongo, nanga Bakratongo, gi brenisma.