Sani di yu kan fruteri fu den tijdschrift

A Waktitoren yanuari-maart

„Sma na heri grontapu abi difrenti denki te a abi fu du nanga Maria, a mama fu Yesus. Fa yu e denki fu en? [Gi a sma na okasi fu piki.] Bijbel e sori taki Maria ben abi wan aparti frantwortu. [Leisi Lukas 1:30-32.] A tijdschrift e tyari kon na krin san wi kan leri fu na eksempre fu Maria.”

Ontwaakt! februari

„Furu sma e bribi taki ala sani seti kaba na fesi fa a libi fu wi o waka. San yu e denki? [Gi a sma na okasi fu piki.] Soleki fa a bijbeltekst disi e taki, wi kan bosroiti san wi e frukisi. [Leisi Deuteronomium 30:19.] Na artikel disi e taki san Bijbel e sori fu a leri di e taki dati Gado sabi na fesi kaba fa wi libi o waka.” Taki fu na artikel di e bigin na tapu bladzijde 12.

Ontwaakt! maart

„Furu sma na ini a ten disi e broko den ede srefisrefi nanga moni afersi, spesrutu now di sani e waka muilek nanga na ekonomia. Yu e agri nanga dati? [Gi a sma na okasi fu piki.] Luku wan moi rai di kan yepi wi fu abi wan yoisti denki fu a tori disi. [Leisi 1 Timoteyus 6:8, 10.] A tijdschrift disi e taki fu wan tu Bijbel rai di o yepi wi fu sabi fa fu gebroiki wi moni na so wan fasi taki wi no e kisi broko-ede.”