Sani fu meki bekènti

◼ Sani di wi sa pristeri na ini yuni: San Bijbel e leri wi trutru? Efu den ososma abi a buku kaba, yu kan pristeri iniwan buku di kon na doro bifo 1992 èn di a gemeente abi ete. Yuli nanga augustus: Iniwan fu den brochure di a gemeente abi ete. Aksi tra gemeente na ini a birti sosrefi, efu den abi wan tu brochure ete.

◼ Efu wan sma wani go na wan kondre di nen no skrifi na tapu a raportu fu a dienstyari fu a yari disi, noso efu na adres no skrifi na tapu a lasti bladzijde fu a lasti Jaarboek, dan grantangi taki nanga a bijkantoro fu yu fu kon sabi nanga sortu sani yu musu luku bun noso fu sabi sortu spesrutu sani yu musu du. A kan de so taki lanti tapu a Kownukondre wroko drape noso taki den poti spesrutu wèt (Mat. 10:16). Na ini son kondre a kan de moro bun efu fisitiman no e suku fu miti den Kotoigi fu a kondre drape noso fu no go na den gemeente. Yu kan kisi tra bodoi di abi fu du nanga okasi preiki noso a tyari fu publikâsi. Efu yu e wroko nanga den bodoi di yu kisi, dan dati sa yepi yu fu no kisi problema di no de fanowdu èn a sa yepi yu fu no meki a Kownukondre wroko kon na ini problema tu.—1 Kor. 14:33, 40.