Sani fu meki bekènti

◼ Maart: San Bijbel e leri wi trutru? Den preikiman musu abi na prakseri fu bigin wan Bijbelstudie nanga den ososma di teki a buku disi, noso di abi en na oso kaba. April nanga mei: A Waktitoren nanga Ontwaakt! Go baka na den sma di wani sabi moro, sosrefi den sma di kon na a Memrefesa noso na tra bigi konmakandra, ma di no abi demakandra nanga a gemeente doronomo. Te yu e go na den sma disi, dan yu musu meki muiti fu prati a buku San Bijbel e leri wi trutru?, so taki yu kan bigin wan Bijbelstudie nanga den.

◼ Den nyun Waktitoren nanga Ontwaakt! musu prati so esi leki den kon na ini a gemeente, so taki den preikiman kan kon sabi san skrifi na ini den tijdschrift, bifo den prati den na ini a preikiwroko.

◼ A Memrefesa sa hori tapu tudewroko 30 maart 2010. Efu a gemeente fu yu abi konmakandra tapu tudewroko, dan unu kan meki muiti fu hori a konmakandra dati tapu wan tra dei fu a wiki. Te furu gemeente e hori konmakandra na ini wán Kownukondre zaal èn unu no man poti a konmakandra tapu wan tra dei, dan unu no abi fu hori a konmakandra dati. Den pisi fu a Diniwroko Konmakandra di fiti spesrutu gi a gemeente fu unu, kan hori na wan tra Diniwroko Konmakandra.

◼ Wi kisi primisi fu poti sani di abi fu du nanga a kongres sosrefi tapu a website www.pr418.com. Nanga yepi fu a nyun sani disi sma o man suku o ten èn pe den kongres o hori. Den kan feni dati te den o luku a kondre, a foto, a dei nanga a tongo. Den sani disi di abi fu du nanga a kongres, o de fu feni tapu a website bigin fu yanuari 2010.

◼ Nyun CD: De grootste mens die ooit heeft geleefd — Bakratongo (12 CD). A de fu feni now tapu Internet, tapu a website www.pr418.com.