Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 26 april 2010. A skoro-opziener sa teki 20 miniti fu luku baka san wi ben leri fu den lezing di ben hori na ini den wiki fu 1 maart te go miti 26 april 2010.

1. San Naomi ben wani taki nanga den wortu: ’Na Yehovah srefi gi mi syen, èn na Almaktiwan srefi meki taki nowtu miti mi’? (Rut 1:21) [w05 1/3 blz. 27 par. 1]

2. Sortu fasi Rut ben abi, di ben meki taki a de „wan tumusi bun uma”? (Rut 3:11) [w05 1/3 blz. 28 par. 7]

3. San wi kan leri fu a fasi fa Elkana ben gi trawan deki-ati nanga den sani di a ben taki? (1 Sam. 1:8) [w05 15/3 blz. 22 par. 3]

4. Di Israel aksi Gado fu poti wan kownu gi den, dan fu san ede a sani dati no ben fiti? (1 Sam. 8:5) [w05 15/9 blz. 20, par. 17]

5. Fa Samuel, di ben ’kon owru kaba, èn di ben abi ede-wiwiri di kon weti’, ben sori fu de wan eksempre fu di a ben e begi gi trawan? San disi e tyari kon na krin? (1 Sam. 12:2, 23) [w07 1/6 blz. 29 par. 14, 15]

6. Fu san ede Saul ben sori switifasi na wan spesrutu fasi gi den Kenietsma? (1 Sam. 15:6) [w05 15/3 blz. 22 par. 10]

7. Fu san ede Saul aksi David: „Boi, suma na yu papa?” (1 Sam. 17:58) [w07 1/8 blz. 31 par. 3, 5]

8. San wi kan leri fu a fasi fa David handri di wan seryusu problema ben opo kon na ini Gat? (1 Sam. 21:12, 13) [w05 15/3 blz. 24 par. 4]

9. Fa Yonatan sori lobi nanga sakafasi di a ben de fanowdu fu horibaka gi en mati David èn fu gi en deki-ati? (1 Sam. 23:17) [lv blz. 33, luku san skrifi na ondrosei fu paragraaf 10]

10. San wi e leri fu a pisi tori di e taki dati Saul ben go na wan uma di e du lukuman-wroko na En-Dor? (1 Sam. 28:8-19) [w05 15/3 blz. 24 par. 7]