Sani fu meki bekènti

◼ Sani di wi sa pristeri na ini september: San Bijbel e leri wi trutru? Meki spesrutu muiti fu bigin wan Bijbelstudie a fosi leisi te yu miti a sma. Oktober: A Waktitoren nanga Ontwaakt! Efu wan sma wani sabi moro fu Bijbel, dan yu kan gi en a traktaat di nen Yu wani sabi a piki tapu den aksi disi? èn du muiti fu bigin wan Bijbelstudie. November: San na a boskopu fu Bijbel? Na heri grontapu wi o prati a brochure disi. A ben o fiti fu prati a nyun brochure disi makandra nanga den brochure: Jeje foe den dedewan—Den man jepi joe noso den man doe joe ogri? Den de troetroe? èn A pasi di e tyari sma go na têgo libi—Yu feni en?

◼ A spesrutu publikitaki di o hori na a ten fu a Memrefesa fu 2011, sa hori na ini a wiki fu 25 april 2011. Bakaten, a nen fu a publikitaki sa meki bekènti. Den gemeente di abi a kring-opziener a wiki dati, noso den gemeente di abi wan kring konmakandra noso wan spesrutu dei konmakandra tapu a satra noso a sonde fu a wiki dati, o abi a spesrutu publikitaki a wiki baka dati. Nowan gemeente musu hori a spesrutu publikitaki bifo 25 april.

◼ Bigin fu 18 oktober 2010, wi o studeri a buku ’Kon, èn tron wan bakaman fu mi’, na a Gemeente Bijbelstudie. Den gemeente di abi den buku disi fanowdu musu aksi dati a tra leisi te den e seni aksi publikâsi.