Syatu luku fu a Theokrasia Diniwroko-skoro

Na a Theokrasia Diniwroko-skoro wi sa abi wan takimakandra fu den aksi di e kon now. Wi sa du disi na ini a wiki fu 25 april 2011. A skoro-opziener sa teki 20 miniti fu luku baka san wi ben leri fu den lezing di ben hori na ini den wiki fu 7 maart te go miti 25 april 2011.

1. Na sortu fasi ’furu fu den pipel fu a kondre ben e sori taki den na Dyu’? (Ester 8:17) [w06 1/3 blz. 11 par. 3]

2. Fu san ede Satan ben kisi primisi fu kon na fesi Yehovah? (Yob 1:6; 2:1) [w06 15/3 blz. 13 par. 6]

3. San Satan ben wani taki nanga na aksi: „Na fu soso Yob e dini Gado?” (Yob 1:9) [w03 1/8 blz. 21 par. 2]

4. Wi sabi taki Yehovah „koni srefisrefi”. Fa dati e meki taki wi e poti moro frutrow na tapu en? (Yob 9:4) [w07 15/5 blz. 25 par. 16]

5. Di Elifas ben taki dati wan sma „e dringi kruktudu leki watra”, dan fa dati e sori taki a ben e denki neleki Satan? (Yob 15:16) [w10 15/2 blz. 20 par. 1, 2]

6. Te wi luku san skrifi na Yob 19:2, dan san wi no musu du te wi brokosaka? [w06 15/8 blz. 27 par. 1]

7. San Yob ben wani taki nanga den wortu „mi e lowe komoto nanga a skin fu mi tifi”? (Yob 19:20) [w06 15/3 blz. 14 par. 13]

8. San yepi Yob fu tan gi yesi na Gado? (Yob 27:5) [w09 15/4 blz. 6 par. 17]

9. Fa Yob ben de leki wan man „di e dringi spotu leki watra”? (Yob 34:7) [w06 15/3 blz. 15 par. 15]

10. Te wi e poti prakseri na den wondruwroko fu Yehovah, dan fa dati musu abi krakti na wi tapu? (Yob 37:14) [w06 15/3 blz. 16 par. 4]