Eksempre di yu kan gebroiki

Fa fu bigin Bijbelstudie tapu a fosi satra na ini augustus

„Furu sma taki a Wi Tata begi furu tron: ’Meki yu kownukondre kon. Meki yu wani pasa na grontapu soleki fa a e pasa na hemel.’ San yu denki na a Kownukondre disi? [Gi a sma na okasi fu piki.] A Bijbeltekst disi e gi wi a piki.” Leisi Danièl 2:44. Baka dati, gi na ososma A Waktitoren fu 1 yuli. Leisi èn taki makandra nanga en fu den sani di skrifi na ondro a fosi edeprakseri na tapu bladzijde 16. Pristeri den tijdschrift, èn meki mofo fu go baka na en fu taki fu a piki tapu a tra aksi.

A Waktitoren 1 yuli

„Fu di a libi de so syatu èn a lai nanga problema, meki furu sma e aksi densrefi fu san ede wi de na libi. Oiti yu prakseri fu a sani dati? [Gi a sma na okasi fu piki.] Bijbel e pramisi taki a libi no sa de so ala ten. [Leisi Openbaring 21:4.] A tijdschrift disi e sori san Gado abi na prakseri gi grontapu èn a e kari wan tu sani di wi kan du nownow kaba fu abi wan libi di no de fu soso.”

Ontwaakt yuli

Kari wan sari sani di bari na nyunsu. Baka dati, yu kan taki: „Fu san ede yu denki taki Gado gi pasi taki den sortu sani disi e pasa? [Gi a sma na okasi fu piki.] Soleki fa Bijbel e sori, dan Gado abi sari-ati gi den wan di e nyan pina. [Leisi Exodus 3:7.] Bijbel e taigi wi tu fu san ede Gado gi pasi taki wi e nyan pina èn taki heri esi A o puru pina fu ala ten. A tijdschrift disi e tyari a tori disi kon na krin.”