Sani fu meki bekènti

◼ Maart nanga april: A Waktitoren nanga Ontwaakt! Te yu e tyari gobaka, dan pristeri a Bijbel leri-buku, noso efu a moro bun yu kan pristeri wan fu den brochure Arki Gado noso Arki Gado èn libi fu têgo. Pruberi fu bigin wan Bijbelstudie. Mei: Gebroiki wan fu den traktaat disi: A grontapu disi o tan?; Nyan Bun fu na Osofamiri Libi; Yehovah—Suma na en?; Yu wani sabi a piki tapu den aksi disi? Na ini Sramakatongo: Yu wani sabi a piki tapu den aksi disi? Efu wan sma wani sabi moro, dan sori en fa wan Bijbelstudie e hori nanga yepi fu a Bijbel leri-buku, noso wan fu den brochure di nen Arki Gado nanga Arki Gado èn libi fu têgo.

◼ A Memrefesa o hori tapu tudewroko 26 maart 2013. Efu a gemeente fu yu gwenti abi den konmakandra tapu tudewroko, dan disi sa skoifi go na wan tra dei na ini a wiki, efu nowan enkri tra gemeente e gebroiki a Kownukondre zaal. Efu unu no o man hori a Diniwroko Konmakandra a wiki dati, dan a fesiman fu den owruman kan kenki den schema fu a Diniwroko Konmakandra so taki den pisi fu a wiki dati di e fiti a gemeente moro, kan hori na wan tra Diniwroko Konmakandra na ini a mun dati. Den gemeente di abi a kring-owruman na ini den gemeente a wiki disi, musu hori a konmakandra fu tudewroko na wan tra dei na ini a wiki fu a kring-owruman.