Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 5/14 blz. 3-4
  • Ondrofenitori fu a Jaarboek 2013

Felem no de na a pisi disi.

Sorry, wan sani no go bun di wi pruberi fu drai a felem.

  • Ondrofenitori fu a Jaarboek 2013
  • Wi Kownukondre diniwroko 2014
Wi Kownukondre diniwroko 2014
km 5/14 blz. 3-4

Ondrofenitori fu a Jaarboek 2013

Na ini Mongpaw, wan pikin dorpu na ini Mianmar, krosibei fu China, sma fu a Baptist Kerki di ben atibron srefisrefi, bron wan Kownukondre zaal. Di den si taki na ogri di den du no skreki den Kotoigi di ben tan ini a dorpu, dan den bron na oso fu wan spesrutu pionier èn den go te na ini den oso fu den brada nanga sisa fu tapu skreki gi den. Den brada go suku yepi na a bigiman fu a dorpu, ma a man disi ben horibaka gi den sma fu a Baptist Kerki. Te fu kaba, lanti kon na ini a tori èn den gi den brada primisi fu bow wan nyun Kownukondre zaal. Fosi a zaal ben de na a lanki fu a dorpu. Ma now den brada kisi primisi fu bow en na mindrisei fu a dorpu!

Di 23 pikin fu Kotoigi na ini a foto Khampat na ini Mianmar, krosibei fu India ben weigri fu boigi gi a fraga fu a kondre, dan a driktoro fu a skoro yagi den fu a skoro. Baka dati a seni kari tu owruman fu a gemeente fu kon na fesi wan bigi grupu lantiman, sosrefi a komsarsi fu a foto èn a legre-komandanti. Wan fu den owruman, Paul Khai Khan Thang, e fruteri: „Wan tu fu den lantiman ben atibron di wi ben sori den fu san ede wi no e boigi gi wan fraga. Dan wi sori den wan wet fu lanti di e taki dati te sma e boigi gi a fraga, dan Yehovah Kotoigi abi primisi fu tan tanapu na wan lespeki fasi. Den lantiman skreki taki den no ben sabi san fu taki. Di den kisi densrefi baka, dan a legre-komandanti taigi a driktoro fu a skoro taki a musu teki den pikin na skoro baka. Boiti dati, a driktoro gi ala den tra leriman fu a skoro wan kopi fu a wet.”

Tide na a dei den moro hei tiriman fu Mianmar sabi taki Yehovah Kotoigi no e teki sei na ini politiek. Fu di den futuboi fu Yehovah tan du san Bijbel e leri, meki den ben man preiki gi tiriman, neleki fa Yesus Krestes ben taki na fesi.​—Luk. 21:​13.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma