WI KRESTEN LIBI

Yepi yu pikin fu kon abi wan tranga bribi na ini a Mekiman

Den sani di Yehovah meki e gi en glori (Ps 19:1-4; 139:14). Ma a grontapu fu Didibri e kon nanga wan lo falsi leri fu meki sma bribi taki a no Gado na a Mekiman (Ro 1:18-25). Fa yu kan yepi yu pikin fu no bribi den leri disi? Te den yongu ete yu musu yepi den fu bribi taki Yehovah de trutru èn taki Yehovah lobi den (2Kor 10:4, 5; Ef 6:16). Kon sabi fa den e denki fu den sani di den e leri na skoro. Gebroiki den difrenti sani di wi abi, fu kan doro den ati.—Odo 20:5; Yak 1:19.

Wan papa e taki nanga en pikin fu sani di Gado meki; den e leri sma na evolutie-leri na skoro; San tra yongusma e taki—Bribi na ini Gado

LUKU A FELEM SAN TRA YONGUSMA E TAKI—BRIBI NA INI GADO. BAKA DATI LUKU DEN AKSI DISI:

San son sma e taki te den yere taki sma e bribi na ini Gado?
San den e leri na a skoro pe yu e go?
Fu san ede yu e bribi taki Yehovah de trutru?
Fa yu kan yepi wan sma fu meki ensrefi kon si taki na Gado meki ala sani?