„Gi Yehovah wan presenti”

Fa wi kan „gi Yehovah wan presenti”? (1Kr 29:5, 9, 14) Na ondrosei wi e si difrenti fasi fa wi kan gi bijdrage fu horibaka gi a wroko di Yehovah Kotoigi e du na ini yu kondre noso na heri grontapu.

BIJDRAGE DI WI E GI TAPU JW.ORG NOSO BIJDRAGE DI WI E POTI NA INI DEN MONIKISI:

• 

  A WROKO DI E DU NA HERI GRONTAPU

  fu bow èn fu gebroiki bijkantoro nanga vertaal-kantoro di no de na a bijkantoro

  fu hori den skoro fu wi organisâsi

  fu horibaka gi den wan di e du furuten diniwroko

  fu yepi sma di de na nowtu

  fu print buku, fu meki felem, èn fu poti nyun sani tapu jw.org

• 

  DEN KOSTU FU A GEMEENTE

  den kostu fu a gemeente, soleki stroom nanga watra èn den sani di de fanowdu fu sorgu taki a Kownukondre zaal e tan bun

  den bosroiti di a gemeente teki fu seni moni go na a bijkantoro fu:

  • bow Kownukondre zaal nanga Kongreshal na heri grontapu

  • gi bijdrage fu horibaka gi a seti fu yepi gemeente na heri grontapu

  • horibaka gi tra wroko di wi e du na heri grontapu

KONGRES NANGA KRING KONMAKANDRA

Den bijdrage di sma e gi na den kongres, na fu gebroiki gi a wroko di wi e du na heri grontapu. Den kostu di wi abi fu hori den kongres, spesrutu kongres, nanga internationaal kongres, e pai nanga den bijdrage disi.

Den bijdrage di sma e gi na den kring konmakandra na fu yuru, fu gebroiki, èn fu hori den presi bun pe wi e hori bigi konmakandra èn fu pai gi tra kostu di e meki fu hori den konmakandra disi. A kring kan bosroiti fu gebroiki den bijdrage di tan abra fu horibaka gi a wroko di Yehovah Kotoigi e du na heri grontapu.