Meki ten fu du sani makandra nanga sma di lobi Yehovah

Fu san ede wi musu meki ten fu du sani makandra nanga den wan di lobi Yehovah? Fu di den sma nanga suma wi gwenti moksi kan meki wi du bun noso ogri (Odo 13:20). Fu eksempre, di Kownu Yoas ben gwenti fu de makandra nanga Granpriester Yoyada, dan a ben e du „san Yehovah feni bun” (2Kr 24:2). Ma baka di Yoyada dede, Yoas drai baka gi Yehovah fu di a ben kon abi takru mati.​—2Kr 24:17-19.

Na a ten fu den fosi Kresten, na apostel Paulus teki a Kresten gemeente gersi nanga „wan bigi oso” èn den sma fu a gemeente nanga „difrenti patu” na ini na oso. Wi o de patu di meki gi „wan prenspari wroko” te wi no e moksi nanga sma di e trangayesi Yehovah, awinsi na famiriman noso sma na ini a gemeente (2Ti 2:20, 21). Dati meki wi musu tan du muiti fu tron mati fu den wan di lobi Yehovah èn di e gi wi deki-ati fu dini en.

LUKU A FELEM WAI PASI GI TAKRU KOMPE. BAKA DATI, PIKI DEN AKSI DISI:

• San na wan tu fasi fa wi kan bigin moksi nanga sma di no e du san Gado feni bun?

• San yepi den tu brada nanga a sisa na ini a felem fu no moksi moro nanga takru mati?

• Sortu Bijbel gronprakseri kan yepi yu fu sabi suma yu kan teki leki mati?