GUDU NA INI GADO WORTU | EKSODES 33-34
Den moi fasi fu Yehovah
Moses ben abi warderi gi den moi fasi fu Yehovah. Disi ben yepi en fu abi pasensi nanga den Israelsma. Na so a de tu taki te wi e kon leri sabi den moi fasi fu Yehovah, wi o man abi moro sari-ati gi den brada nanga sisa fu wi.
„Sari-ati”: Yehovah e sorgu gi den wan di e dini en. A e du dati na wan lobi-ati fasi èn a e broko en ede nanga den, neleki fa wan papa nanga mama e du dati gi den pikin fu den.
„En ati no e bron esi”: Yehovah abi pasensi nanga den futuboi fu en. A sabi taki den e meki fowtu èn a e gi den ten fu tyari kenki kon.
„A abi bun-ati pasa marki”: Yehovah abi wan bun matifasi nanga den wan di e dini en èn noiti a o gwe libi den.
AKSI YUSREFI: ’Fa mi kan sori sari-ati neleki Yehovah?’