Tan basi den firi fu yu

Fu di wi na sondu libisma meki wi musu tan feti fu basi den firi fu wi. Efu wi e du nomo san wi e firi a kan pasa taki Yehovah no o lobi wi moro. Fu eksempre, son sma no man basi densrefi te a abi fu du nanga nyanyan, krosi nanga a lobi di den lobi densrefi. Son sma e gi densrefi abra na den seksfiri fu den èn den no e poti prakseri na den wet fu Gado (Ro 1:26, 27). Trawan e meki den speri fu den dwengi den fu du san den wani, soso fu di den wani taki tra sma feni den bun.​—Eks 23:2.

Fa wi kan basi den firi fu wi? Wi musu du ala muiti fu poti prakseri na sani di Yehovah lobi (Mt 4:4). Wi musu begi Yehovah tu fu yepi wi fu basi den firi fu wi. Fu san ede? Fu di na en sabi san bun gi wi èn a sabi fa fu gi wi den bun sani di wi wani.​—Ps 145:16.

LUKU A FELEM NO MEKI SMOKO PORI YU LIBI. BAKA DATI PIKI DEN AKSI DISI:

• 

  Fu san ede son sma e smoko?

• 

  San kan pasa nanga yu te yu e smoko?

• 

  Fu san ede smoko nanga vape no bun?​—2Kor 7:1

• 

  San yu kan du fu no bigin smoko noso fu tapu nanga a gwenti disi?