1-7 APRIL
PSALM 23-25
Singi 4 nanga begi | Biginwortu (1 min.)
1. „Yehovah na mi Skapuman”
(10 min.)
Yehovah e tiri wi (Ps 23:1-3; w11 1/5 31 ¶3)
Yehovah e kibri wi (Ps 23:4; w11 1/5 31 ¶4)
Yehovah e sorgu fu wi (Ps 23:5; w11 1/5 31 ¶5)
Neleki fa wan bun skapuman e broko en ede nanga den skapu fu en, na so Yehovah e broko en ede nanga den anbegiman fu en.
AKSI YUSREFI: ’Na sortu fasi Yehovah sori taki a e broko en ede nanga mi?’
2. Diki moro dipi
(10 min.)
Ps 23:3—San a wani taki fu „libi na wan retifasi” èn san kan yepi wi fu tan libi na wan retifasi? (w11 15/2 24 ¶1-3)
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Ps 23:1–24:10 (th les 5)
4. Bigin wan takimakandra
(3 min.) OKASI PREIKI. Sori wan sma di fruteri yu taki a e broko en ede, fu di sma e pori a grontapu wan Bijbeltekst di e gi en deki-ati. (lmd les 2 penti 5)
5. Gobaka
(4 min.) OSO FU OSO. Sori wan sma di teki a Koloku fu têgo!-brochure fa wi e studeri Bijbel nanga sma. (lmd les 9 penti 3)
6. Meki Disipel
(5 min.) lff les 14 penti 4 (lmd les 11 penti 3)
Singi 54
7. Wi no e arki a sten fu sma di wi no sabi
(15 min.) Takimakandra.
Trutru skapu sabi a sten fu den skapuman èn den e arki en sten. Ma den e lon gi a sten fu a sma di den no sabi (Yoh 10:5). Na a srefi fasi wi e arki a sten fu den lobi-ati skapuman fu wi di wi kan frutrow, a sten fu Yehovah nanga a sten fu Yesus (Ps 23:1; Yoh 10:11). Ma wi no e arki a sten fu sma di wi no sabi èn di e pruberi fu meki wi lasi-ati fu di den e „taki lei fu kori unu.”—2Pe 2:1, 3.
Genesis kapitel dri e taki fu a fosi leisi di wan sma na grontapu yere a sten fu wan sma di a no sabi. Satan go na Eva na sowan fasi taki a no ben sabi suma na en trutru. Satan du leki en na wan mati fu Eva èn a drai den wortu fu Yehovah. A ben wani meki Eva tweifri fu san ede Yehovah ben du son sani. A sari taki Eva arki en, èn dati tyari problema kon gi en nanga en famiri.
Na ini a ten disi Satan e pruberi fu meki wi tweifri tapu Yehovah nanga en organisâsi fu di a e prati takru nyunsu, afu tru tori nanga lei tori fu na organisâsi. Te wi yere a sten fu sma di wi no sabi, wi musu lon! Srefi efu wi ben o arki wan syatu pisi nomo, dan dati ben kan meki wi kon na ini problema. Omeni wortu Satan ben abi fanowdu fu kori Eva di a ben taki syatu nanga en? (Ge 3:1, 4, 5) San yu ben o du efu wan sma di wi sabi—wan sma di lobi wi èn di abi a bun fu wi na prakseri—ben wani fruteri wi sani di no tru fu na organisâsi fu Yehovah?
Prei a FELEM No arki a sten fu sma di yu no sabi. Baka dati poti na aksi disi:
San yu leri fu a fasi fa Jade handri di en mama di no de wan kotoigi, ben wani sori en sani fu na organisâsi di no tru?
8. Gemeente Bijbelstudie
(30 min.) bt kap. 8 ¶1-4 nanga den faki tapu blz. 69-70