18-24 NOVEMBER
PSALM 107-108
Singi 7 nanga begi | Biginwortu (1 min.)
1. „Un taki Yehovah tangi, bika a bun”
(10 min.)
A srefi fasi fa Yehovah ben ferlusu Israel fu Babilon, na so a fri wi fu na ogri grontapu fu Satan (Ps 107:1, 2; Kol 1:13, 14)
Te wi e warderi den sani di Yehovah e du gi wi, dan dati e gi wi dek’ati fu prèise en na ini a gemeente (Ps 107:31, 32; w07 15/4 20 ¶2)
Wi kan kisi moro warderi gi Yehovah, te wi e prakseri ala den sani di a du gi wi (Ps 107:43; w15 15/1 9 ¶4)
2. Diki moro dipi
(10 min.)
Ps 108:13—Fa wi kan kisi krakti awinsi wi e firi swaki? (w23.10 17 ¶20)
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Ps 107:1-28 (th les 5)
4. Bigin wan takmakandra
(3 min.) PREIKI NA IBRI OKASI. (lmd les 1 penti 4)
5. Gobaka
(4 min.) PREIKI NA IBRI OKASI. Ferteri na ososma fa wi e studeri Bijbel nanga sma èn libi wan Bijbelstudie karta gi en. (lmd les 9 penti 3)
6. Lezing
(5 min.) g04 22/4 7—Thema: San yu kan du fu no denki takru fu a libi ala ten? (th les 14)
Singi 46
7. Wi e singi fu taki Yehovah tangi
(15 min.) Takmakandra.
Baka di Yehovah ferlusu den Israelsma fu a tranga legre fu Egepte na a Redi Se, den singi fu sori taki den ben e warderi san a du gi den (Eks 15:1-19). Na den mansma fosi ben bigin singi a nyun singi (Eks 15:21). Yesus nanga den Kresten fu a fosi yarihondro ben e singi prèise singi gi Gado tu (Mt 26:30; Kol 3:16). Te wi e tan singi na den gemeente konmakandra, kring konmakandra nanga kongres, dan wi e sori taki wi e warderi den sani di Yehovah e du gi wi. Fu eksempre, a singi di wi singi didyonsro „Grantangi Yehovah” na wan singi di wi e singi sensi 1966 na den konmakandra fu wi.
Na ini son kulturu, mansma e syen fu singi pe furu sma de. Trawan no e singi nanga den heri-ati, fu di den feni taki den no abi wan moi sten. Ma wi musu hori na prakseri taki singi na wan pisi fu na anbegi fu wi. Na organisâsi fu Yehovah e du furu muiti fu meki èn gebroiki den yoisti singi na den konmakandra fu wi. A wan-enkri sani di wi musu du—na fu singi makandra èn sori taki wi lobi èn e warderi wi Tata na hemel.
Prei a FELEM Na organisâsi fu Yehovah e go na fesi—Singi na wan kado, Pisi 2. Baka dati poti den aksi disi:
San ben psa na ini 1944?
Fa den brada nanga s’sa na ini Siberia ben sori taki den e warderi den Kownukondre singi?
Fu san ede singi de so prenspari gi Yehovah Kotoigi?
8. Gemeente Bijbelstudie
(30 min.) bt kap. 18 ¶6-15