30 DECEMBER–5 YANUARI

GUDU NA INI GADO WORTU

Den Israelsma e prisiri èn den e tyari furu aleisi kon na wan na a ten fu a kotiwroko. — Den Israelsma di drai kon baka e koti nyan nanga prisiri, fu di Yehovah blesi a tranga wroko fu den

1. Den sai nanga watra ai, ma den koti nanga prisiri

(10 min.)

Den Israelsma ben de nanga bigi prisiri di den ben kmoto na Babilon èn seti na tru anbegi baka (Ps 126:1-3)

Kande den wan di ben drai go baka na Yudea ben krei, fu di den ben musu wroko tranga (Ps 126:5; w04 1/6 16 ¶10)

Den wan di ben hordoro ben kisi blesi (Ps 126:6; w21.11 24 ¶17; w01 15/7 18-19 ¶13-14; luku a prenki tapu a kafti)

Den Israelsma e wroko tranga na ini a kondre. Wan man e sai siri aladi wan trawan e plugu a gron.

DENKI DIPI FU DEN AKSI DISI: Baka te wi psa na ogri grontapu disi na Armagedon, dan sortu problema wi o kisi te wi o sreka a grontapu kon bun baka? Sortu blesi wi o kisi?

2. Diki moro dipi

(10 min.)

Ps 124:2-5—Wi kan ferwakti taki Yehovah o kibri wi neleki fa a ben kibri den Israelsma? (cl 73 ¶15)

San na a piki fu yu?
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?

San na a piki fu yu?

3. Leisi Bijbel

(4 min.) Ps 124:1–126:6 (th les 5)

DU MUITI FU TRON WAN MORO BUN PREIKIMAN

4. Bigin wan takimakandra

(3 min.) PREIKI PE FURU SMA DE. (lmd les 3 penti 5)

5. Gobaka

(4 min.) OSO FU OSO. Na ososma no ben de seiker efu a kan bribi san Bijbel e taki. (lmd les 9 penti 5)

6. Meki disipel

(5 min.) lff les 16, a fosi pisi nanga penti 1-3 (lmd les 11 penti 3)

WI KRESTEN LIBI

7. Prisiri nanga den sani di Gado pramisi

(15 min.) Takimakandra.

Yehovah ben du san a pramisi en pipel di ben de na ini katibo na Babilon. A ferlusu den èn a gi den pardon fu den sondu di den ben du ini a ten di psa (Yes 33:24). A de krin taki na Yehovah ben kibri den nanga den meti fu den so taki lew nanga tra ogri meti, di ben kon moro furu na a ten dati, no ben kiri den di den ben de na pasi (Yes 65:25). Den ben kan libi na ini den eigi oso èn nyan fu den froktu fu den eigi droifidyari (Yes 65:21). Gado blesi a wroko fu den, èn den libi nanga prisiri sondro fu pina.—Yes 65:22, 23.

Wan pisi fu a felem „Prisiri fu di Gado pramisi taki freide o de—Wan syatu pisi.” Fowtow: 1. Brada nanga sisa e sdon na dorosei èn nyan switi sani makandra. 2. A prenki e sori bergi nanga busbusi. 3. Profeiti Danièl di kisi wan opobaka e waka na ini wan busi. 4. Wan trowpaar e brasa na umapkin fu den di kisi wan opobaka. 5. Froktu nanga gruntu de na ini wan baki. 6. Wan sula.

Prei a FELEM Prisiri fu di Gado pramisi taki freide o de—Wan syatu pisi. Baka dati poti den aksi disi:

Na sortu fasi a profeititori disi e kon tru na ini a ten disi?

San na a piki fu yu?
Fa den o kon tru na wan moro moi fasi na ini a nyun grontapu?

San na a piki fu yu?
Sortu wan fu den pramisi disi yu e moro angri fu si?

San na a piki fu yu?

8. Gemeente Bijbelstudie

(30 min.) bt kap. 20 ¶8-12 nanga a faki tapu blz. 183