19-25 MEI
ODO 14
Singi 89 nanga begi | Biginwortu (1 min.)
1. Denki bun san yu o du te wan rampu psa
(10 min.)
Luku bun taki yu no e bribi „ala san sma e taki” (Odo 14:15; w23.02 23 ¶10-12)
No fertrow tapu yu eigi firi noso tapu den sani di yu ben ondrofeni na ini a ten di psa (Odo 14:12)
No arki den wan di no e teki den rai fu na organisâsi fu Yehovah (Odo 14:7)
DENKI DIPI FU NA AKSI DISI: Owruman, yu de srekasreka fu gi yesi na rai èn fertrow tapu Yehovah te wan rampu psa?—w24.07 5 ¶11.
2. Diki moro dipi
(10 min.)
Odo 14:17—Fu san ede a kan taki sma no lobi „wan man di e denki bun fosi a du sani”? (w05 15/7 19 ¶5-6)
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Odo 14:1-21 (th les 11)
4. Bigin wan takimakandra
(3 min.) PREIKI PE FURU SMA DE. Ferteri wan sma wan sani fu Bijbel baka di a taigi yu taki a e broko en ede nanga a ekonomia situwâsi fu a kondre. (lmd les 3 penti 3)
5. Gobaka
(4 min.) OSO FU OSO. Gi a sma wan tijdschrift di e taki fu wan tori di ben hari en prakseri a lasti leisi di yu ben taki nanga en. (lmd les 9 penti 4)
6. Meki disipel
(5 min.) Gi a studenti dek’ati fu leisi Bijbel ala dei, èn sori san kan yepi en fu du dati. (th les 19)
Singi 126
7. De srekasreka efu wan rampu psa
(15 min.) Takimakandra di wan owruman musu hori.
Efu a bijkantoro nanga a skin fu owruman ben gi rai fu a tori disi, dan taki fu den sani dati.
Fu di wi e libi na ini „den lasti dei,” meki wi sabi taki a grontapu o kon moro ogri dei fu dei (2Ti 3:1). Nofo tron, fosi wan rampu psa noso te wan rampu psa, dan a pipel fu Yehovah e kisi rai di kan yepi den fu tan na libi. Efu wi e du sani fu tranga a bribi fu wi nownow kba èn sreka sani di wi o abi fanowdu, dan dati kan yepi wi fu tan na libi te wan rampu psa.—Odo 14:6, 8.
Tranga yu bribi nownow kba: Abi a gwenti fu du sani di e tranga yu bribi. Meki muiti fu du moro na ini a preikiwroko na difrenti fasi. No bruya efu yu no man miti nanga brada nanga sisa fu a gemeente fu wan pisi ten (Odo 14:30). Hori na prakseri taki Yehovah nanga Yesus de nanga yu ala ten.—od 176 ¶15-17
Sreka sani di yu o abi fanowdu: Boiti taki ibri osofamiri abi den rampu-tas, den musu abi nofo nyan, watra, dresi nanga tra sani efu den musu tan na wan presi fu wan pisi ten.—Odo 22:3; g17.5 4
Prei a FELEM Yu de srekasreka efu wan rampu kon? Baka dati poti den aksi disi:
Fa Yehovah kan yepi wi te wan rampu psa?
San na wan tu sani di wi kan du fu de srekasreka?
San wi kan du fu yepi den wan di de na a presi pe a rampu psa?
8. Gemeente Bijbelstudie
(30 min.) bt kap. 26 ¶18-22 nanga a faki tapu blz. 239