Yehovah Kotoigi e taki dati sma no mag luku son felem, leisi son buku noso arki son poku?

Nôno. Na organisâsi fu wi no e kari nen fu felem, buku noso poku di no bun gi wan Kresten. Fu san ede?

Bijbel e gi ibri sma a deki-ati fu leri gebroiki en frustan fu man si sani krin, so taki a kan sabi san bun èn san no bun.​—Hebrewsma 5:14.

Wi kan gebroiki Bijbel rai fu teki koni bosroiti di abi fu du nanga a fasi fa wi wani meki prisiri.a Na ini ala sani di wi e du na ini wi libi, wi musu ’sorgu ala ten taki wi sabi san Masra feni bun’.​—Efeisesma 5:10.

Bijbel gi osofamiri-edeman a frantwortu fu taki gi den osofamiri. Dati meki den mag bosroiti san den osofamiri kan du fu abi prisiriten (1 Korentesma 11:3; Efeisesma 6:1-4). Sma di no de fu na osofamiri no abi a reti fu taki dati wan Kotoigi no mag luku son felem, arki son poku noso son sma di e meki poku.​—Galasiasma 6:5.