Singi 10
„Dya mi de! Sen mi”
1. Na furu fasi disi ten,
Sma tya syen kon tap Gado nen,
Tak: „Gado swaki te tide,”
„A no de”, d’e tak alape.
Suma sa krin wi Gado nen?
Suma o mek sma prèise En?
„Yah, dya mi de! Sen mi, sen mi.
Prisiri fas m’e singi g’I.
(REFREIN)
Wan moro bun san no de gi m’, Yah.
Dya mi de! Sen mi, sen mi.”
2. Son sma e spotu Gado nen,
Den no wan abi frede g’En.
Son sma anbegi gado f’ ston,
Tra sma wan lanti musu sdon.
Suma sa warskow ogriwan?
Suma sa taki sa’ o psa dan?
„Yah, dya mi de! Sen mi, sen mi.
M’o warskow sma fu den kan si.
(REFREIN)
Wan moro bun san no de gi m’, Yah.
Dya mi de! Sen mi, sen mi.”
3. Saf-ati sma e sar, e krei,
Den ogriwan de f’ taki lei.
Den saf-at sma e suku Yah,
Den wan ler tru fu no bruya.
Suma o trowstu den fu tru?
Suma o ler den retidu?
„Yah, dya mi de! Sen mi, sen mi.
M’o ler saf-ati sma f’ kon fri.
(REFREIN)
Wan moro bun san no de gi m’, Yah.
Dya mi de! Sen mi, sen mi.”