A buweisi taki wan sma na wan disipel

1. Wi ab wan wèt di wi m’ hori bun,

Ef Kresten libi de gi un.

Dat na a wèt di kon f’ Gado sei,

Dat na lobi di moro hei.

Lobi fu Krestes na tru a de:

A dede gi sma n’alape.

A gi w’ eksempre fu de nelek en.

Lek disipel wi m’ ark en sten.

2. Tru lobi noit misi san w’e du:

Ae yepi swakiwan fu tru.

Lobi, wan paiman di wi mus pai,

Lobi Krestes mek bun o lai.

Tra pres wi no sa man feni den,

Mati di de fu ala ten.

Dis na a lobi fu tai makandra,

Mek wi lobi tan te n’a kba.