Kon! Dan yu o kisi krakti baka

1. Grontap pori, bun furu sma o las gwe,

Den no sab a Gado fu wi.

Wi abi bun tiri fanowdu bika

Sma no sabi s’a lib’ o gi.

Na wi konmakandra w’e kis krakti tu,

Tap Gado w’e kisi frutrow.

W’e kisi dek-ati f’ du wroko di bun,

W’e kis krakti f’ go doro now.

Noit wi sa frigit san Yehovah taig wi,

Wi wan du a wani fu En.

Wi kon na makandra fu leri san bun,

W’e ler lobi tru ala ten.

2. Yehovah sab sa’ w’ ab fanowdu, dat mek

W’o gi yes n’a rai di kon f’ En.

W’e sor tak w’e brib Gado Wortu fu di

Wi d’a konmakandra biten.

W’e kisi bun leri fu saf-ati sma,

Dat mek w’e tron tru bribiman.

Famiri fu brad’ anga sisa w’e tron,

So w’ sabi wi no de wawan.

W’e luku g’a fesi gi moro bun ten,

Wi lob kon makandra dis dei.

W’e kon na makandra fu kis koni now,

N’a koni kon f’ Gado f’ tapsei.