San ben de a bakapisi di den arki Satan?

Adam nanga Eva no gi yesi na Gado èn dati meki den dede. Genesis 3:6, 23

Eva arki a sneki èn a nyan fu a froktu. Baka dati, a gi Adam èn a nyan tu.

A sani di den ben du, no ben bun. A ben de wan sondu. Gado meki den komoto na ini a Paradijs pe den ben e libi.

A libi ben tranga gi den nanga den pikin fu den. Den ben kon owru èn den dede. Den no ben go na wan yeye kondre. Sobun den no ben de moro.

Den dedewan no abi libi neleki fa a doti no abi libi. Genesis 3:19

Wi e dede fu di wi alamala komoto fu Adam nanga Eva. Den dedewan no man si, den no man yere, èn den no man du nowan sani.​—Preikiman 9:5, 10.

Yehovah no ben wani taki sma dede. Heri esi a o gi den dedewan wan opobaka. Efu den arki en, den o libi fu têgo..