Suma ben de Yesus?

Yehovah seni Yesus kon na grontapu. 1 Yohanes 4:9

Efu wi wani plisi Yehovah, dan wi musu arki wan tra prenspari sma tu. Langa ten bifo Yehovah meki Adam, a meki wan makti yeye na ini hemel.

Bakaten, Yehovah seni a yeye disi kon na grontapu. A meki a gebore na ini Betlehem èn en mama ben de a nyunwenke Maria. A pikin disi ben kisi a nen Yesus.​—Yohanes 6:38.

Di Yesus ben de na grontapu leki libisma, a ben e sori den srefi fasi fu Gado. A ben abi switifasi, a ben e sori lobi, èn sma no ben frede fu kon na en. Yesus no ben frede fu leri trawan den tru tori di abi fu du nanga Yehovah.

Yesus ben du san bun, ma toku sma no ben lobi en kwetikweti. 1 Petrus 2:21-24

Yesus ben dresi sikisma tu èn a ben gi son sma di ben dede, wan opobaka.

Den kerki fesiman no ben lobi Yesus kwetikweti, fu di a ben e meki sma kon sabi sortu falsi leri den ben e gi èn sortu ogri den ben e du.

Den kerki fesiman meki taki den Romesma fon Yesus èn kiri en.