PISI 8

San a dede fu Yesus wani taki gi yu?

Yesus dede gi wi so taki wi kan libi. Yohanes 3:16

Wan tu uma e luku a leigi grebi fu Yesus

Dri dei baka di Yesus dede, wan tu uma go na a grebi fu en, ma a grebi ben leigi. Yehovah ben gi Yesus wan opobaka.

Yesus e sori ensrefi na den apostel fu en, baka dati a e opo go na hemel

Bakaten, Yesus sori ensrefi na den apostel fu en.

Iya, Yehovah ben gi Yesus wan opobaka fu libi leki wan makti yeye di no man dede noiti. Den disipel fu Yesus ben si fa a opo go na hemel.

Gado gi Yesus wan opobaka èn a meki a tron Kownu fu Gado Kownukondre. Danièl 7:13, 14

Yesus e sidon na tapu en kownusturu na ini a Kownukondre èn a e tiri den sma di de na ini a paradijs na grontapu

Yesus ben gi en libi fu pai wan lusu-paiman gi libisma (Mateyus 20:28). Nanga yepi fu a lusu-paiman dati, Gado e meki taki wi kan libi fu têgo.

Yehovah poti Yesus leki Kownu fu tiri grontapu. Makandra nanga en, 144.000 sma o tiri. Den sma disi tan gi yesi na Gado èn den kisi wan opobaka fu libi na ini hemel. Yesus nanga den 144.000 sma e tiri na ini Gado Kownukondre. Dati na wan hemel tirimakti di e du san reti.—Openbaring 14:1-3.

Gado Kownukondre o meki grontapu tron wan paradijs. Feti, ogridu, pina, nanga angri no o de moro. Sma o de koloku trutru.—Psalm 145:16.