Fa yu kan sori taki yu e tan gi yesi na Yehovah?

Teki a sei fu Gado. 1 Petrus 5:6-9

Luku bun taki yu no abi noti fu du nanga iniwan gwenti di no e kruderi nanga Bijbel. Yu musu abi deki-ati fu man du dati.

No abi noti fu du nanga den politiek afersi fu a grontapu disi, fu di den no e horibaka gi Yehovah nanga en Kownukondre.

Teki a yoisti bosroiti. Arki Gado. Mateyus 7:24, 25

Abi demakandra nanga Yehovah Kotoigi. Den o yepi yu fu kon krosibei na Gado.

Tan leri moro fu Gado èn pruberi fu gi yesi na den komando fu en.

Te a bribi fu yu kon tranga, dan yu musu gi yu libi abra na Yehovah èn teki dopu.​—Mateyus 28:19.

Arki Gado. Leisi Bijbel, èn aksi Yehovah Kotoigi fu yepi yu fu frustan Bijbel. Dan yu musu du san yu leri. Te yu du dati, dan yu o libi fu têgo.​—Psalm 37:29.