Singi 153
Fa yu e firi?
Tey’ tak f’a Gado f’i,
fa y’e firi, taigi mi,
tey’ man du yu wroko bun
fu yepi sma di nyun?
Tey’ du san yu mus du,
dan Yehova’o blesi yu.
Gado sab den sma fu en.
Ao bles a muiti f’den.
(REFREIN)
W’e singi, w’e prisiri so
t’a wroko f’wi Tata e gro.
Kow’ prèis a bigi Gado f’wi
solanga w’e libi.
Y’e breiti te y’e si
tak wan sma e drai libi,
tak den wan di ati krin
e kon tron Gado pkin?
Son sma e yagi wi,
trawa’e lib a bun pasi.
W’e go doro, wi n’e syen
fu preiki f’Gado nen.
(REFREIN)
W’e singi, w’e prisiri so
t’a wroko f’wi Tata e gro.
Kow’ prèis a bigi Gado f’wi
solanga w’e libi.
W’e breiti te w’e si
tak wi Gado d’anga wi,
te wi sab tak san w’e du
na san ae aks wi f’du.
W’e preiki ibri dei.
W’e tak switi, wi n’e strei.
Ma fu di a ten e lon
w’e feti f’kar sma kon.
(REFREIN)
W’e singi, w’e prisiri so
t’a wroko f’wi Tata e gro.
Kow’ prèis a bigi Gado f’wi
solanga w’e libi.
(Luku sosrefi Tori 13:48; 1 Tes. 2:4; 1 Tim. 1:11.)