Biginwortu fu pisi 13

Yesus kon na grontapu fu dede gi sondu libisma. Aladi a dede, toku a wini grontapu. Yehovah no gowe libi en Manpikin, ma a gi en libi baka. Te na a dede fu en Yesus dini trawan nanga sakafasi èn a gi den pardon di den ben e meki fowtu. Baka di Yesus kisi wan opobaka, a go na den apostel fu en. A leri den fa den musu du a prenspari wroko di a gi den fu du. Efu yu abi pikin, dan yepi den fu si sortu grani wi abi fu du a wroko dati na ini a ten disi.