Gebroiki ibri sortoe foe begi nanga tranga-begi
„Tan aksi nanga ibri sortoe foe begi nanga tranga-begi na ibri okasi ini jeje . . . Èn tan nanga ai ini disi nanga ala stanvastigheid èn nanga tranga-begi foe na boen foe ala santawan.” — Ef. 6:18.
1. (a) San wi moe abi alaten ini prakseri te wi e kon ini begi na Jehovah Gado? (b) Sortoe fo fundamenteel sortoe foe begi de?
A MEKIMAN, Jehovah Gado no de soso wan Fosi Oorzaak, di no de wan persoon, ma a de wan troetroe persoon nanga firi. Wi moe hori disi alaten ini prakseri te wi e kon na en ini begi. Gado Wortoe e gi na rai foe doe disi „nanga ibri sortoe begi nanga tranga-begi” (Ef. 6:18). San disi wani taki alamala? Fo fundamenteel sortoe foe begi de — prijse, tangi, begi nanga tranga-begi.
PRIJSE GADO INI BEGI
2, 3. San de wan toemsi moi èn hé sortoe foe begi, èn san de wan toe foe den foeroe réden foe sanede Jehovah abi reti na tapoe?
2 Prijse de foe troe wan hé sortoe foe begi. A Mekiman abi reti a tapoe foe den fasi nanga doe foe en. Leki a „Soeverein Masra Jehovah” no wan sma kan doro na makti foe en (2 Sam. 7:28, herziene Engelse uitgave foe 1971). Foedi Jehovah Gado de sondro bigin nanga sondro kaba, a de na „Kownoe foe tego” di no abi en speri (1 Tim. 1:17). A abi so wan glorifasi, dati no wan sma no kan si en èn dan tan na libi (Ex. 33:20). Na moro Héwan de sondro speri, bikasi a de sondro kaba ini makti nanga koni, regtvaardiki dorodoro, èn a de na lobi sondro gridifasi ini persoon (Deut. 32:4; Job 37:23; Rom. 11:33; 1 Joh. 4:8). A ben meki ala sani èn a de foe dat’ede na éginari foe na heri universum (Gen. 1:1, 31; Ps. 50:10). Ini nen nanga ini bari-nen a no de abi en speri. Soso en kan taki nanga reti: „Mi sa bewijsi foe de.” Soso en e tjari na nen Jehovah, wan nen di den e taki „En de meki tron” a wani taki (Ex. 3:14; 6:3). Soso en kan ferteri nanga reti: „Nanga soema oenoe wani teki mi gersi ofoe poti mi de gelijk ofoe meki de akroederi nanga mi, sodati wi kan loekoe efoe wi de gersi makandra?” „Mi de Gado, èn wan trawan moro no de èn no wan sma di gersi mi.” — Jes. 46:5, 9.
3 So wan Gado di no abi en speri, moe kisi moro leki sortoe soema ala prijse. A de foe dat’ede wan sani di fiti dati foe Exodus 15:11 te nanga Openbaring 19:6 someni tintron dekati e gi foe prijse Jehovah. Meki wi akroederi nanga disi, no tan prijse na Moro Héwan soso ini wi begi, ma meki wi poti prakseri tapoe en na presi tapoe wisrefi ini den aladé foe wi. Te joe loekoe en boen, noti wi abi di wi no ben kisi, èn aparti foe en wi no kan doe noti. — Ps. 127:1; 1 Kor. 4:7.
GI JEHOVAH TANGI
4, 5. San difrenti bijbelskrifiman abi foe taki foe na tjari foe tangi gi Jehovah, èn san de wan toe foe den foeroe reden di wi abi foe doe dati?
4 Tai makandra nanga na prijse foe Jehovah de na gi foe tangi na en. A de soso wan joisti sani dati wi abi waarderi foe ala sani di Jehovah ben doe gi wi, di a de doe èn di a sa doe ete. Den skrifiman foe den psalmen ben gersi taki den ben froestan en fa a de joisti dati wi gi tangi na Jehovah. Foeroetron wi e lési wortoe leki: „O, meki sma gi Jehovah tangi foe en lobi boen-ati-fasi èn foe en wondroe na den libisma pikin” (Ps. 107:8, 15, 21, 31). Ooktoe Paulus e gi wi na rai foe tjari kon na Gado „tranga begi makandra nanga tangi”. Ja, „alaten wi moe taki tangi foe ala sani na wi Gado nanga Tata”. — Fil. 4:6; Ef. 5:20.
5 Fa wi abi foeroe sani di aladé wi kan gi tangi na wi hemel Tata. Wi moe gi en tangi foe ala sani di wi e kisi na skinfasi èn di no wawan e meki dati wi tan na libi, ma di e meki wi libi de wan switi sani (Jak. 1:17). Wi abi waarderi gi ala den jeje blesi di Jehovah e gi en dienstknegti pasa marki — den winimarki foe Kristus slagti-ofrandi, Gado Wortoe nanga en jeje, na kristen gemeente èn na presenti foe begi? Wi abi waarderi foe na blesi foe demakandra nanga kompe-bribiman, na grani foe sorgoe foe den fanowdoe foe trawan èn na moi howpoe foe na Kownoekondre? Efoe disi de so, dan meki wi gi tangi ini wi begi. A kande troe taki wi no e tjari ala sani kon ini prakseri san Gado ben doe gi wi èn no e taki alaten foe en. Ma wi moe abi na srefi prakseri leki na psalm-singiman di ben taki: „Blesi Jehovah, o mi sili, èn no frigiti ala den boen foe en.” — Ps. 103:2.
SENI BEGI GI JEHOVAH
6. Nanga sortoe dri kontren wi begi abi foe doe nanga den èn san Jezus ben leri wi foe begi ini na fosi presi?
6 A de troetroe wan bigi trowstoe foe sabi taki wi kan kon na Jehovah nanga „fri foe taki” te wi e seni wi begi gi en (Hebr. 4:16; 1 Joh. 3:21). Soleki Jezus ben agersi ini en modelbegi, dan wi begi e abi foe doe nanga dri kontren — na blesi foe regtvaardikifasi, wi jeje fanowdoe èn wi fanowdoe na skinfasi. A de wan sani di fiti dati Jezus ben leri wi fosi foe begi foe na kon santa foe na nen foe Jehovah, foe a kon foe en kownoekondre èn ofoe en wani kan pasa na grontapoe. Jezus ben begi ensrefi: „Tata, gi glori na joe nen” (Matt. 6:9, 10; Joh. 12:28). Ini den sortoe begi disi wi kan aksi sosrefi toe ofoe Jehovah wani meki na wroko foe en dienstknegti na grontapoe kon na fesi èn wani gi tranga na den sma di foe en nen ede ondrofeni pina nanga tesi (Ps. 118:25). So toe wi no moe frigiti Paulus vermane foe begi gi alasma di abi wan hépositie „sodati wi kan tan abi wan safri nanga korostoe libi nanga frede foe Gado dorodoro èn ernst”. — 1 Tim. 2:2.
7, 8. Foe sortoe égi afersi wi moe seni moro fara wan begi gi Jehovah?
7 Den begi foe wi moe sori sosrefi toe wan tranga broko-ede foe wi jeje toestand. Disi wani taki dati wi aksi wi hemel Tata tranga foe pardon wi sondoe. „Efoe wan sma ben doe wan sondoe, dan wi abi wan jepiman na a Tata, Jezus Kristus, wan regtvaardikiwan” (1 Joh. 1:8-2:11). Wi moe aksi sosrefi toe foe moro foe Gado jeje èn ofoe wi no gi Gado jeje sari (Luk. 11:13; Ef. 4:30). Te wi kon ini moeiliki situwasi, dan den santa Boekoe e gi wi tranga foe begi foe koni (Jak. 1:5-8). Boiti dati, wi kan èn moesoe foe begi foe Jehovah blesi tapoe wi santa diniwroko, pe de na ini toe wi prékiwroko nanga wi leriwroko ini na veld. Den sortoe begi disi e sori dati wi erken dati aladi wi e prani èn e gi watra, dati na Gado na a sma di e sorgoe dati ala sani gro èn waka boen. — 1 Kor. 3:7.
8 Te wi e wi begi go na Gado, meki wi no frigiti moro foe poti prakseri tapoe son trobi di wi abi kande nanga wan kristen brada, ofoe nanga wi trowpatna ofoe nanga wan tra memre foe wi osofamiri. Ini den sortoe geval disi na firi kan de foe no taki moro nanga makandra — wan sani di de wan makriki, ma tog don nanga gridi fasi foe doe. Na presi foe dati wi moe begi foe tiri nanga krakti, sodati na problema di wi abi nanga wan tra sma, kan loesoe. Meki wi begi sosrefi toe foe jepi foe gi pardon na kragi èn foe frigiti (ala sani), sodati wi ati no kon bita èn wi go hori sma na ati. — Matt. 6:12.
9, 10. Sortoe tekst wi abi leki fundamenti foe seni begi gi Jehovah foe jeje nanga skin afersi?
9 Jezus ben sori dati a de joisti boiti foe seni wan begi gi Jehovah Gado foe jeje sani foe seni wan begi ooktoe foe wi aladé njanjan, wi fanowdoe na skinfasi (Matt. 6:11). Ja, wi moe aksi Jehovah Gado foe jepi wi troetroe nanga ala wi fanowdoe, èn dati ibri dé baka. Disi de akroederi nanga san Jezus e taki moro fara ini en bergipréki: „Soboen, no broko joe ede foe na dé foe tamara. Tamara joe sa si baka; joe abi nofo foe doe nanga den sorgoe foe tide.” — Matt. 6:34, A Njoen Testament ini na aladé-tongo.
10 Wi de sondro wroko? Dan wi kan seni wan begi gi Jehovah Gado èn foe aksi en foe blesi èn tiri den moeiti foe wi foe feni wroko. Wi e siki? Dan wi kan begi foe koni, krakti nanga horidoro sodati wi kan kakafoetoe gi den sortoe tesi disi. A de troetroe wan trowstoe foe sabi dati wi kan poti ala den sorgoe foe wi gi Jehovah, soleki wi e lési: „No broko-ede foe noti, ma meki ini begi makandra nanga taki-tangi joe ati-lostoe kon bekenti na Gado” (Fil. 4:6). A no de foe taki dati ini ala den sortoe afersi disi wi e begi nanga den wortoe — ’Efoe a de Gado wani’, soleki Jezus ben begi ini na djari foe Gethsémane. — Matt. 26:39; 1 Kor. 4:19; Jak. 4:15.
NANGA TRANGA-BEGI
11-13. San a wani taki foe seni wan tranga-begi gi Jehovah, èn tapoe a tori foe sortoe sani a de toemsi boen? (b) Fa disi e kon na krin ini na ondrofenitori foe wan boi?
11 Wi e kisi foe jere sosrefi toe foe begi nanga „ibri sortoe foe begi nanga tranga-begi” (Ef. 6:18). Foe sanede tranga-begi poti moksi nanga begi? Foedi tranga begi e go pikinso moro fara. A de sori tapoe wan faja, ernstig begi, wan tranga fanowdoe aksi di e komoto ini na dipi foe wi ati. Tranga-begi den e skrifi foe en leki „wan sakafasi, faja, tranga fanowdoe aksi”. Ini den kristen Griki Skrifi a wortoe e gebroiki alaten ini sani di abi foe doe nanga Gado. A de poti krakti tapoe disi, dati wan sma no moe horidoro wawan ini begi, ma dati troetroe a moe mène en toe. A wan sani di wi kan froestan dati a no ala wi begi de tranga-begi. Ma ini wi begi wi moe seni wel tranga begi go na Gado. Wi e lési srefi dati Jezus Kristus ben seni „nanga tranga sten nanga watra-ai, tranga-begi . . . èn Gado ben jere en foe na frede di a ben abi gi Gado” (Hebr. 5:7). Te wi jere foe eksempre dati wi brada e kisi wan takroe-ati vervolgoe, dan a no ben sa fiti wawan foe seni wan begi na Gado foe na boen foe den, ma foe begi tranga dati Jehovah gi den krakti di den abi fanowdoe foe horidoro èn dati na praksei foe na vervolgoe no doro en marki. — Teki gersi 2 Korinte 1:8-11.
12 Te wi e go na Jehovah foe jepi wi ini na feti foe wi foe de tranga gi wi skin, dan wi e go na en troon leki begiman (Rom. 7:15-24; 1 Kor. 9:27). Wi abi moeiti foe hori wi prakseri nanga wi firi ondro dwengi? Dan boiti dati wi meki kon boen na ogri di wi ben doe trawan, wi moe go nanga sakafasi na Jehovah Gado èn aksi en tranga foe jepi wi. San wi moe doe efoe na problema e go foe njan nanga dringi? A ben sa de agen joisti foe begi Jehovah tranga foe kisi jepi ofoe kari sosrefi toe na jepi foe famiri èn ofoe foe owroeman foe na gemeente.
13 Te pikin e kisi leri tapoe wan joisti fasi, dan srefi den kan begi Jehovah tranga foe kisi jepi èn foe Gado jere den begi. Wan boi foe tin jari foe eksempre ben skrifi na Wachttoren-genootschap: „Tapoe 20 november toe boi ben kon na mi na a plen foe na skoro so wan 3 joeroe bakadina èn wan foe den poti wan nefi na mi gorogoro èn pramisi foe kiri mi. Mi ben begi Jehovah èn tapoe na momenti dati wan skowtoewagi ben rij psa èn den boi lon gwe.”
WI MOE DOE AKROEDERI SAN WI BEGI
14, 15. San den sma di e begi, moe doe akroederi na begi foe den, èn san de wan toe bijbel eksempre di e sori dati?
14 Te wi e begi Jehovah Gado, dan wi moe de klari foe doe na pisi foe wi. Ini ten foe bigi benawtoe, dan Kownoe David no ben begi Gado wawan tranga foe jepi, ma a ben doe srefi praktis sani (2 Sam. 15:31-17:14). Tra getrouw dienstknegti foe Jehovah leki Jakob, ben doe disi sosrefi toe (Gen. 32:9-21). Ja, wi doe moe akroederi nanga wi begi.
15 Wi e begi foe wi aladé brede? Dan wi moe de klari foe wroko foe dati, bikasi „efoe wan sma no wani wroko, meki a no njan toe” (Matt. 6:11; 2 Thess. 3:10). Wi e begi dati wi no moe kon ini tesi? Dan wi moe tan farawe foe kon ini omstandigheden foe espresi foe sroto wan compromis (Matt. 6:13). Wi e begi dati vréde moe de na wi mindri? Dan wi moe de sma di e meki vréde kon (Ps. 122:6-9; 1 Petr. 3:11). Disi wani taki dati wi moe loekoe boen foe no afrontoe trawan foe soso, aladi na a tra sé wi no sa meki stré di no de fanowdoe kon. Wi moe loekoe boen foe no teki sani esesi na ati. A e begi dati na wroko foe Gado kon moro na fesi? Dan wi moe abi „foeroe foe doe ini na wroko foe Masra” (1 Kor. 15:58). Wi e begi foe kisi koni? Dan wi moe gebroiki ala sani di Gado gi foe kisi koni. — Jak. 1:5-8; Ps. 119:105; 2 Tim. 3:16; Hebr. 10:23-25.
WI KAN MEKI NA KWALITEIT FOE WI BEGI KON MORO BOEN?
16, 17. Fa wi kan meki den kwaliteit foe den begi foe wi kon moro boen te wi e taki den tapoe wan waran fasi èn meki den wani taki wan sani?
16 Den begi foe wi e sori fa wi jeje fasi de troetroe. Wi kan meki na kwaliteit foe wi begi kon moro boen, èn so ja, fa dan? Ini na fosi presi wi moe si na begi foe wi leki wan ernstig sani èn wi moe meki dati komoto foe wi ati. Te wi prakseri foe Gado boenfasi nanga lobi-ati fasi èn foe wan lobifasi Gado di e hori ensrefi krakti na san de joisti, dan wi kan poti moro waran nanga firi ini wi begi. Wi moe taki nanga sakafasi komoto foe wi ati nanga Gado. Foe dat’ede meki wi moe loekoe boen dati wi no taki leki masjin den begi foe wi. Aladi tra sani kan verwaarloos, tog disi no moe pasa noiti nanga wi begi.
17 Wi kan meki na kwaliteit foe wi begi kon ooktoe moro boen te wi e doe moeiti alaten baka foe no gebroiki den srefi wortoe (Matt. 6:7). Den sortoe taki foe den srefi wortoe ala ten, kan abi leki bakapisi dati begi e de sondro troetroe firi nanga sondro troetroe inhoud. Wortoe di leri na ede kande moro foeroe sa komoto foe na ede leki foe na ati. Spesroetoe kristen di e teki fesi aladé ini na osofamiri-begi, moe loekoe boen ini disi. Te ibri dé agen densrefi wortoe e gebroiki, dan disi kan meki na prakseri foe den sma di e arki go tapoe tra sani. Te aladé wi e go denki bijbel prakseri èn meki wan moro bigi waarderi gro gi Jehovah boenfasi gi wi, dan wi sa kisi jepi foe taki wi begi tapoe wan waran fasi èn dati a wani taki wan sani.
PAIMAN DI E KON WANTRONWANTRON OFOE BAKATEN
18. Foe sanede son sma di no ben sa doro den marki foe Gado gi begi, ben sa kan taki dati Gado ben jere den begi foe den?
18 Begi de wan fasi foe aanbegi di de tapoe na heri grontapoe. Foeroe sma e prakseri dati Jehovah e jere den begi ondro ala omstandigheden, aladi den begi foe den no e doro den gronprakseri foe Gado gi begi. Fa wi kan tjari na gersi difrenti disi kon na krin? Na a fosi presi, disi kan de soso wan afersi foe toeval. A so sma e taki dati sroedati ini wan olo e begi. Foedi na moro bigi pisi foe den e tan na libi, dan den ben kan taki dati Gado ben jere den begi. Sosrefi toe a ben kan de so dati den omstandigheden ben waka so. Moro fara wi ben sa moe teki ini prakseri toe na psychomatis gronprakseri, na krakti di na verstan abi tapoe a skin.
19. Sortoe bewijsi de dati Jehovah e jere troetroe den begi foe en pipel èn di e doro troetroe den marki foe begi?
19 Den sma di e doro den marki foe Gado gi begi, abi den bewijsi di no kan lé, dati Jehovah ben jere den begi foe troe. Den ben si Jehovah blesi tapoe den moeiti di den meki makandra èn leki aparti sma. Leki wan bakapisi foe disi „na pikin ben tron doesoen èn na mofina wan kon tron wan makti naatsi” (Jes. 60:22). Leki wan piki tapoe den begi foe den, Jehovah ben drai den omstandigheden so fasi dati „no wan fetisani di ben meki kontra den, ben abi winimarki.” — Jes. 54:17.
20. Tapoe sortoe difrenti fasi Jehovah e jere opregti begi di seni go na en?
20 Jehovah e gebroiki en hemel nanga en grontapoe dienstknegti foe jere opregti begi di ben seni go na en. Sontron wan engel e tiri den afersi so, sodati wan sma di e soekoe Gado ini begi, kisi fisiti foe wan sma foe Jehovah Kotoigi. (Teki gersi Tori foe den Apostel 10:30-33; 17:26, 27.) Moro fara Jehovah e jere foeroe begi nanga jepi foe en grontapoe wrokosani. A kan poti en ini na ati foe wan foe en dienstknegti foe sori lobi ofoe wan doe foe switi fasi gi wan sma di e verdini disi ofoe di de troetroe ini nowtoe. A piki tapoe a begi foe wan sma kan kon toe nanga studeri foe na bijbel, ofoe nanga a lési foe wan boekoe di abi na bijbel leki fundamenti ofoe nanga den sani di owroeman ini na gemeente e tjari kon na en prakseri. Disi e kon foedi Jehovah dienstknegti e begi foeroetron foe jeje leti ofoe koni foe handri ini wan spesroetoe situwasi tapoe wan verstan fasi.
21. San de wan toe foe den indirecte winimarki foe begi?
21 Boiti dati, wi kan kisi sosrefi toe indirecte winimarki foe wi begi. Soso dati wi ben taki na fesi Jehovah, wi hemel Tata, e gi wi na firi dati wi kon moro krosibé foe en. Te wi sori waarderi gi en nanga prijse èn taki-tangi, wi e kisi na jepi foe de moro tevréde nanga wi lot. Te wi begi Jehovah opregti èn tranga foe kisi jepi, dan wi e kisi na jepi foe de nanga sakafasi èn foe poti wi bribi tapoe en na presi tapoe wi égi froestan nanga wi égi krakti (Spr. 3:5, 6; Fil. 4:13). Èn te wi e begi, dan wi prakseri e de tapoe boen sani. (Fil. 4:8). Te foe eksempre wi no kan sribi na neti, dan a ben sa de moro boen foe begi foe kownoekondre-afersi nanga jeje-afersi leki foe broko-ede, ofoe foe go denki njoen baka foe kragi, ofoe foe go meki wi froestan go prakseri grontapoe sani. Ja, wi moe „poti ala wi broko-ede tapoe Jehovah, bikasi en de sorgoe foe wi”. Te wi no e kibri noti gi wi hemel Tata, dan disi sa jepi wi foe ondrosoekoe wisrefi èn disi sa meki dati wi kon tai de moro krosbé mati foe en. — 1 Petr. 5:7; 2 Kor. 13:5.
22. San a wani taki foe si den begi foe wi leki wan ernstig sani, èn sortoe froetrow wi kan abi leki wan bakapisi foe dati?
22 Begi, makandra nanga prijse, taki-tangi nanga tranga-begi de troetroe wan diri grani, èn wi sa abi foeroe wini te wi si wi begi tapoe wan ernstig fasi. Te wi begi wi e sori dati wi abi troe troe bribi. Wi moe handri troetroe akroederi wi begi, noiti taki den leki wan masjin, proeberi alaten foe meki na kwaliteit foe den kon moro boen èn noiti gi pasi dati den kon ini na taki foe den srefi wortoe agen. Te wi e doe disi, wi sa kisi indirect wini foe dati, aladi wi kan abi na froetrow dat Jehovah Gado sa pai wi te a de jere begi di de akroederi nanga en wani.