Jezus libi nanga diniwroko

Na ini na djoekerki foe en libipresi

WI KAN tjari kon na ini prakseri fa a e tjari wan op’opo kon na ini Nazareth te Jezus e kon na oso. Bifo Jezus ben gwe pikinso moro langa leki wan jari psa kaba foe Johannes dopoe en, sma ben sabi en leki wan temreman. Ma now na ala pe sma sabi en leki wan sma di e doe wondroe. Den sma foe Nazareth e loekoe nanga gridi dati a doe a mindri den ooktoe wan toe foe den wondroe sani dati.

Na span ferwakti foe den kon moro bigi te Jezus leki fa a a gwenti e go na a djoekerki foe a presi. Na a ten foe a dienst Jezus e opo tanapoe foe lési èn den e gi en na rol foe na proféti Jesaja. Ai feni a presi pe e taki foe SMA di ben kisi salfoe nanga Jehovah jeje. Ini a bijbel foe a de ini a ten disi kapitel 61.

Bakadi Jezus lési fa na salfoewan disi ben sa préki gi den strafoeman foe kon fri èn gi den breniwan foe kisi den ai baka èn dati a ben sa préki ooktoe Jehovah jari foe teki sma, a e gi na rol baka na a dinari èn ai go sidon. Ala sma ai de boen tapoe en. Dan ai taki nanga den, kande finifini èn ai tjari kon a krin: „Tide na tekst disi, di oenoe ben iere djonsrode kontroe.”

Den sma e ferwondroe foe den „moi switi wortoe” èn den e taki nanga makandra: „A no disi na a manpikin foe Jozef?” Ma foe di Jezus sabi dati den wani si foe a doe wondroe, meki ai go moro fara: „Sondro degedege oenoe sa tjari na eksempre disi kon a tapoe mi: ’Datra, dresi joesrefi, doe ala sani di ben psa na ini Kapernaüm soleki wi ben jere, ook dja na ini oen kontren.’” A de krin dati den fosten birtisma foe Jezus e feni dati a dresiwroko moe bigin na oso, sodati en égi sma moe njan boen fosi foe en. Den e feni soboen dati Jezus ben libi den a wan sé.

Foe di Jezus e ferstan san den e denki, meki ai ferteri den foe wan toe sani foe na historia di ben fiti. Na ini den dé foe Elia foeroe weduwe ben de na ini Israël, ai ferteri, ma Elia no ben seni go na no wan foe den. Na presi foe dati a, ben go na wan no-djoe weduwe, na ini Sidon, èn drape a ben doe wan wondroe di ben jepi a libi foe wan sma. Èn ini den dé foe Elisa foeroe gwasiman ben de, ma Elisa ben dresi soso Naäman foe Syria.

Den sma ini a djoe kerki ben opo tanapoe èn ben jagi Jezus komoto foe na foto, foe di den ati kon bron foe den historia sani disi di Jezus teki èn di no de so boen ma di e tjari na gridifasi èn na mankeri foe bribi foe den kon na doro. Drape, tapoe na pisi foe a bergi lanki, a bergi pe Nazareth ben bow a tapoe, den e proeberi foe troesoe en trowe foe a lanki. Ma Jezus e lon komoto fo a anoe foe den èn a sabi foe gwe sondro wan sani miti en. Lukas 4:16-30; 1 Kownoe 17:8-16; 2 Kownoe 5:8-14.

◆ Foe san-ede op’opo e de ini Nazareth?

◆ Fa den sma e feni den wortoe foe Jezus, èn san e meki den kisi atibron so?

◆ San den sma e proeberi foe doe nanga Jezus?