A ben teki na faste bosroiti foe libi akroederi den markitiki foe Jehovah
NA BIJBEL e tjari kon na krin dati wan man nanga wan oema di e libi makandra sondro foe trow na lanti e doe hoeroedoe, èn na ondro den omstandigheid dati no sa kisi a Kownoekondre foe Gado (1 Korinte 6:9, 10). Wan ondrofenitori foe Brits-West Indië e meki wi si fa wan jongoe oema ben leri sabi na waarheid disi.
Tapoe St. Lucia toe Kotoigi foe Jehovah ben kon miti nanga wan jongoe oema, èn a ben kon sori belangstelling ini a bijbel. Na baka-pisi ben de dati den ben bigin wan bijbelstudie nanga en. Di a bigin ferstan moro foe a bijbel, a ben go si dati a ben de fanowdoe foe tjari bepaalde kenki kon tapoe moreel gebied. Aladi a ben abi fo pikin, tokoe a no ben trow ma a ben libi makandra nanga wan man. En nanga a man ben wroko tranga foe bow na oso pe den ala siksi ben e libi.
Foe di na jongoe oema ben kon ferstan dati a libi foe en no ben de ini akroederi nanga den regtvaardiki markitiki foe Gado, meki a ben teki na faste besroiti foe tjari kenki kon na ini disi. A ben sa moesoe trow nanga a man san a ben e libi makandra, ofoe a ben sa moesoe gwe libi en. A ben tak na afersi nanga a man, ma a no ben firi noti gi wan trow. A ben de tevréde nanga na fri matifasi di den ben abi. Na bribi foe na oema ben sa bewégi en foe teki sortoe bosroiti? Efoe a ben wani prisiri Jehovah, a ben moesoe teki wan bosroiti, èn baka di a ben loekoe na afersi na ondro begi, a ben teki a besroiti foe gwe libi a man. Ma pe a ben moesoe go libi nanga den fo pikin foe en?
Baka di a ben taki nanga a man foe a tori, a ben kon so fara dati den ben seti sani na wan onpartijdig fasi — ibriwan foe den ben o kisi afoe foe na oso! Nanga na lobi jepi foe den brada èn na wroko makandra nanga na man di a ben o gwe libi, a oso ben prati ini toe, na wan pisi gi en èn a tra pisi gi a man. Na wan pisi foe na oso foe en a srefi dé dati ete den ben tjari en go na wan njoen presi, aiti kilometer moro fara. Ini wan wiki ten na oso ben tanapoe baka, bow kon tron wan pikin oso nanga toe sribikamra.
Baka di a ben doe den fanowdoe sani foe ben tjari en libi kon ini akroederi nanga Jehovah, a ben bigin go wantewante na ini na velddienst makandra nanga den fo pikin foe en. A ben gi en libi ibra na Jehovah èn sjatoe na baka dati a ben teki dopoe. Foe ben sori taki a prisiri nanga a sani dati, a ben gi en nen foe go na ini na jepipionierdienst. Moro fara a abi now na blesi dati a njoen oso foe en den e gebroiki gi wan gemeente boekoestudie pe gemiddeld tina-sébi sma e de. Ija, Jehovah foetroe ben blesi en foe na faste besroiti di a ben teki foe de wan krin anbegiman foe Jehovah.