Kownoekondre prékiman ini Venezuela e ferteri

◻ Ini wan pikin foto ini na birti foe na grens nanga Columbia na priester foe na presi ben bigin doe sani tége Kotoigi. Ini bigi redi letter a ben skrifi na nen „Jehovah Kotoigi” tapoe na mededelingenbord foe en kerki, èn na ondro na nen propaganda di ben de tége den. Wan memre foe na kerki ben si na nen drape sondro foe a kibri, èn sondro foe lési den bodoi na ondrosé, a ben kon na a bosroiti dati na kerki e feni Jehovah Kotoigi boen. Foe dat’ede meki a go na wan komakandra foe den Kotoigi, èn na oema ben lobi san a ben si èn jere. „Te joe loekoe en boen”, na so na tori e taki, „dan na campagne foe na prister joisti ben wiki foeroe belangstelling na presi foe a ben waka tra fasi.” Foeroe sma de now klarklari foe studeri nanga Jehovah kotoigi èn e tapoe den srefi na strati foe aksi oten den o kon baka na den oso.

Jehovah blesi na wroko foe Kotoigi ini Venezuela troetroe (Psalm 3:8). Na ini 1985 na nomroe foe prékiman gro nanga 16 procent te joe teki en gersi nanga na jari a fesi, èn ini februari 1986 den ben doro wan hémarki foe 31.247 prékiman foe na boen njoensoe. Na nomroe foe gewone pionier ben djompo go na loktoe ini februari na 2291, na di foe 38 hémarki di ben waka baka makandra! Now ala 50.659 bijbelstudie e hori na sma di abi belangstelling. Troetroe wi kan taki foe Venezuela: „A blesi foe Jehovah de tapoe en pipel.” — Psalm 3:8.