Aksi fu leisiman

◼ San ben de na fowtu fu Mozes sodati a ben lasi na grani fu go ini na pramisi kondre? A ben de fu di a ben naki tapu na stonbergi na presi fu ben taki nanga en, ofu a ben de fu di ben misi fu gi Yehovah grani?

Leki fa a sori, dan na a fowtu fu Mozes moro ben de ini a tori leki soso dati a ben naki tapu na stonbergi na presi fu a ben taki nanga en soleki Gado ben gi en komando.

Bakadi den Israëlsma pikinmoro ben waka lontu fotenti yari, dan den ben opo den krampu na Kades-Barnéa ini a sabana fu Zin (ofu Paran). Tintin yari a fesi den ben drape ooktu, seiker fu di dri fonten ini a kontren dati ben sorgu gi wan grun oase, soleki fowtow e meki wi si. Ma na a okasi disi watra ben de pikinso, san kande ben wani taki dati a pipel ben kan feni pikinso nyanyan. Fu dat’ede den ben meki trobi nanga Mozes, a sma di ben di ben teki presi gi Yehovah èn ben taki: „Fu san-ede yu ben tyari un komoto fu Egypte, yu tyari unu kon na a takru presi? A no de wan presi fu siri èn figa èn droifibon èn granaki — apra èn watra no de fu dringi. — Numeri 20:5.

Ne Yehovah ben taigi Mozes nanga Aäron: „Teki na tiki èn kari na komakandra kon na wan . . . èn unu na fesi fu den mu taki nanga na letopu stonbergi sodati trutru a kan gi en watra, èn unu musu meki watra komoto fu na letopu stonbergi èn gi na komakandra èn den meti fu den fu dringi” (Numeri 20:8). San ben psa more fara?

Mozes nanga Aäron ben kari na gemeente komakandra na fesi fu na letopu stonbergi, èn moro fara a ben taigi den: ’Yere now, un tranga ede sma! Wi sa meki watra kon gi unu fu na letopu stonbergi?’ Tapu dati Mozes ben opo en anu èn ben naki nanga en tiki tapu na letopu stonbergi, tutron; ne furu watra ben kon fu en.” — Numeri 20:11.

Son sma ben taki dati Gado ben gi Mozes nanga Aäron komando „fu taki nanga na letopu stonbergi”, ma ’den ben naki tapu na letopu stonbergi’. Na difrenti disi ben meki Yehovah atibron so, dati a ben meki Mozes nanga Aäron kon frustan dati a no ben sa gi den pasi fu tyari Israël go na ini na Pramisi Kondre.

Dati gersi taki a no de so. A de so dati a pipel fu na fositron ben kragi fu a mankeri fu watra soso wantu mun bakadi den ben hari komoto fu Egypte. Dati ben de na a bergi Sinaï (Horeb) tapu wan presi di ben kisi a nen Meriba. Luku san Gado ben taigi Mozes na a okasi dati: „Mi e tanapu drape tapu na stonbergi na Horob na fesi fu yu. Èn yu mu naki tapu a stonbergi, èn watra mu kon fu en èn a pipel mu dringi” (Exodus 17:2-7; 33:6). Di Mozes fu dat’ede ben kisi na Kades na komando fu taki nanga a stonbergi, dan kande a ben e firi fu du san a ben du kaba leki fa Gado ben sori, srefi awinsi Gado ben bedoel dati a taki nanga na stonbergi ben sa de nofo.

Leki fa a e sori, ete wan sani ben meki a krutu fu Gado ben kon tapu Mozes nanga Aäron. San ben sa kan de dati? Mozes ben taigi a pipel di ben e meki trobi: „Wi sa meki watra kon gi unu fu a letopu stonbergi?” Psalm 106:33 e meki wi kon kisi frustan na ini na afersi disi, bika drape e kon na krin dati Mozes ben handri fu di en ati ben bron èn a ben taki ’nanga en mofobuba sondro fu ben gebroiki en ferstan’. Nanga atibron wortu a ben poti a prakseri tapu ensrefi èn Aäron na presi tapu a Sma di futru ben kan gi watra nanga yepi fu wan wondru. Fu dat’ede meki Gado let bifo Mozes ben dede na a grens fu a Pramisi Kondre ben taki fu na sani disi na Kades-Barnéa èn ben sori dati Mozes ooktu ben de ini disi dati a ben misi ’fu santa Gado na fesi den ai fu na pipel’. — Numeri 27:12-14.

Wi kan leri wan sani fu disi. Aladi a de seiker prenspari fu hori wisrefi farawe fu du di du nanga atibron, dan toku a de net so belangrijk fu dwengi wi yeye, spesrutu te trawan e misi. Efu wi libi unsrefi psamarki, dan wi ben sa kan go si Gado dienstknegti fu na ai fu libisma na presi fu herken dati den de alaten ete Gado „skapu”. Seiker, den de onvolmaakti èn e du kande tergi sani, ma den de „en pipel èn den skapu fu en wei” (Psalm 100:3). Gado ben meki en Manpikin dede gi den sortu sma disi; wi no mu span wisrefi dan fu abi pasensi nanga den, fu di wi e poti moro mendri prakseri na wi firi èn na a fasi tapu fa wan afersi e meri wi èn moro fara na a positie fu den a fesi fu Gado?