Yesus libi nanga diniwroko

Sari-atifasi nanga den mofinawan

BAKADI Yesus ben krutu den Fariseiman fu den gwenti fu den di ben de fu den eigi belang dan a e gwe nanga en disipel. No langa a fesi, na so yu kande sa memre, dan na muiti fu en fu gwe makandra nanga den fu go bro pikinso no ben go doro fudi den ipi sma ben feni en. Now ai hari gwe nanga en disipel na a kontren fu Tyrus nanga Sidon, furu kilometer go na noordsei. Disi de leki fa a sori na wan enkri reis di Yesus makandra nanga en disipel e meki dorosei fu den grens fu Israël.

Bakadi den ben feni wan oso na ini san den kan tan, Yesus e ferteri dati a no wani taki wan sma sabi pe den de. Ma toku srefi na a gebied disi di no de fu Israël a no kan tan sondro dati sma si en. Wan Griki uma, di gebore dya na ini Syro-Fenecië e feni en èn e begi en: „Abi sari-ati nanga mi, Masra, Manpikin fu David. Wan ogri-yeye teki mi umapikin abra kefarlek.” Ma Yesus no e taki noti baka.

Te fu kaba den disipel e taigi Yesus: „Seni en gwe, bika a e tan waka nomo na wi baka.”

Te Yesus e tyari kon a krin fu san-ede a no e spiti na en bowtu, a e taki: „Mi kon soso gi den lasi skapu fu na oso fu Israël.”

Ma na uma no e weri. Ai kon na Yesus èn ai begi en: „Masra, yepi mi!”

Fa disi ben mu seki Yesus fu yere na faya begi fu na uma! Ma agen a e sori na tapu na moro prenspari frantwortu fu en fu du dienst gi Gado pipel Israël. Na asrefi ten, a de krin fu kan tesi a bribi fu en, Yesus e taki fu na luku fu den Dyu fu krutu sani a fesi ini a tori fu sma fu wan tra nationaliteit fudi ai taki: „A no de yoisti fu teki a brede fu den pikin èn trowe en gi den pikin dagu.”

Nanga en sari sten èn fesi Yesus seiker e sori en eigi safu firi gi den sma di no de dyu, A e safu srefi na teki fu den heiden gersi nanga dagu fudi ai taki fu „pikin dagu”, ofu yongu dagu. Na presi fu na frow naki futu na disi a e go tapu san Yesus taki fu krutu sani a fesi èn a e taki nanga sakafasi: „Iya, Masra, ma den pikin dagu e nyan ooktu fu den sakasaka di e fadon fu na tafra fu den masra fu den.”

„O uma, bigi na bribi fu yu de”, Yesus e piki. „Meki psa soleki yu winsi.” Èn disi e psa ooktu! Efu ai kon na oso a e feni en umapikin tapu a bedi di betre.

Komoto fu na syoro fu Sidon Yesus nanga en disipel e waka psa na kondre fu go na a oposei fu na liba Jordaan. Na wan presi na a noordsei fu na se fu Galiléa den e waka seiker psa a watra fu na Yordaan èn e kon ini a gebied fu Dékapolis, na oostsei fu na se. Drape den e kren go na tapu na bergi, ma den ipi sma e feni den èn e tyari den malengri, breni nanga babaw èn furu tra sma fu den di siki na tra fasi ofu abi mankeri. Den e trowe den gewoon na Yesus futu èn a e dresi den. Den sma e ferwondru te den e si taki den babawwan e taki, den malengriwan e waka, den breniwan e si, èn den e bribi na Gado fu Israël.

Wan man di dofu èn pikinmoro no kan taki, e kisi na spesrutu prakseri fu Yesus. Den dofu sma nofotron e firi syen esesi, spesrutu ini wan ipi fu sma. Yesus si na spesrutu senwe fu a man disi kande. Datimeki Yesus e teki en nanga furu sari-atifasi aparti, na dorosei fu na ipi fu den sma. Te den de den wawan, dan Yesus e ferteri san a o du gi en. A e poti en finga ini den yesi fu a man èn bakadi a ben spiti, a e fasi en tongo. Nanga aladi Yesus e luku morofara na loktu na hemel, a e soktu dipi a e taki: „Kon opo”. Tapu na momenta dati na yesi fu a man e kon opo èn a kan taki gewoon baka.

Efu Yesus du den furu wondru disi fu dresi sma, dan den ipi sma nanga furu warderi e taki: „A du ala sani bun. Srefi den dofusma e yere èn den babawwan e taki.” Mattéus 15:21-31; Markus 7:24-37.

◆ Fu san-ede Yesus no e dresi na pikin fu na Griki uma wantewante?

◆ Pe Yesus e teki en disipel go moro fara?

◆ Fa Yesus e handri nanga sari-atifasi na dofuman di pikinmoro no kan taki?