Kownukondre preikiman e ferteri

Hori tranga na a bribi na ini wan prati osofamiri

NA APOSTEL Paulus ben fermane kristen: „Poti alaten prakseri na yusref èn na yu leri. Tan na den sani disi, bika te yu sa du disi, dan yu sa ferlusu yusrefi èn den sma di e arki na yu” (1 Timóteus 4:16). Ini wan kondre na oostsei wan mevrouw L--, ben ondroofeni wondru blesi fudi a ben tan na den bijbelleri, bakadi a ben tron wan Kotoigi fu Yehovah.

Mevrouw L-- nanga en man alatu ben kon fu wan hindu osofamiri. Na ini 1959 Yehovah Kotoigi ben fisiti en, èn bakadi den studeri na bijbel nanga den, a uma ben teki na waarheid fu na Wortu fu Gado. Ne a ben bigin gi kotoigi na en man èn tra famirman. (Teki gersi nanga Yohannes 1:40, 41.) A man fu en no ben abi belangstelling, ma a sisa fu na uma R-- ben go sdon na a studi tu. Na 1961 en nanga en sisa ben kisi dopu leki wan symbool fu na gi di den ben gi densrefi abra na Yehovah. Di sisa L-- pikin ben gro kon bigi, a ben studeri nanga den èn a ben teki den go na den komakandra. Di na moro owru pikin S-- ben komoto fu skoro, a ben gi en libi abra na Yehovah, teki dopu èn ben trow nanga wan Kotoigi. Baka wan pisten en nanga en masra ben kon de inactief. Na moro owru manpikin ben go na wan moro hei skoro èn ben kisi takru demakandra. Baka dati a ben trow nanga wan katholiek meisje èn a no ben go lolo morolanga nanga Yehovah pipel. Na a tra sei na moro yongu umapikin ben gi en libi abra na Yehovah di a ben komoto na skoro èn ben teki dopu.

Sisa L-- ben tan gi kotoigi na en famirman. Wan tra sisa fu en ben kisi belangstelling, ma a man fu en ben gens en srefsrefi èn ben pori srefi en bijbel nanga buku. A no ben mag teki den dri pikin fu en go na den komakandra ma a ben studeri na oso nanga den. Te fu wan pisten ensrefi ben gi en libi abra na Yehovah èn ben teki dopu aladi a masra fu en ben gens en srefsrefi. Te fu kaba ala den dri pikin fu en ben gi densrefi abra èn tron dopu kotoigi.

Disten sisa L-- ben tan gi kotoigi na en famirman. Di a ben taki nanga en brada èn nanga na uma fu a brada na brada no ben sori no wan belangstelling, ma en uma ben arki. Bakadi a ben kisi nofo sabi, a ben gi en libi abra na Gado èn a ben sori disi nanga a teki dopu na ini watra.

Sisa L-- ben gi kotoigi na wan tra brada fu en, di ben gens na waarheid. Ma en uma, èn ooktu den umapikin, ben bigin studeri. Na umapikin den ben seni go na Canada fu kisi wan grontapu opleiding morofara, ma a ben go doro nanga en bijbelstudi èn fu demakandra nanga den Kotoigi drape. Te fu kaba en tu ben teki a sei fu na waarheid èn a ben teki dopu. A ben trow nanga wan pionier na ini Canada èn a papa nanga mama fu en ben de na a trowoso. Na demakandra nanga den brada na ini Canada ben abi wan bun krakti spesrutu tapu na papa.