’Na anu fu Yehovah ben de nanga den’
„Na sofasi a Wortu fu Yehovah ben tan gro kefarlek bigi èn ben teki sani abra.” — TORI FU DEN APOSTEL 19:20.
1. (a) Soru kragi feyanti fu na kristendom ben gi na ini na fosi yarhondro G.T. (b) San ben psa alape pe na zendeling Paulus ben preiki na bun nyunsu fu na Kownukondre, èn sortu yepi den fositen kristen ben kisi alaten?
MORO leki tinaneigi hondro yari pasa kaba feyanti fu na kristen boskopu nanga gensman fu na zending apostel Paulus ben gi na kragi di e kon: „Den sma disi, di ben drai na grontapu pe libisma e libi fu ondro go a tapu, de dyaso now ooktu,. . .èn [den]e handri kontra den wet fu caesar fudi den e taki wan tra kownu de, Yesus” (Tori fu den Apostel 17:6, 7). Alape pe na kristen zendeling Paulus ben meki na bun nyunsu fu Yehovah Kownukondre bekenti, dati ben tyari sma fu opo du wan sani, èn nofotron ferfolgu. Ooktu tra fositen kristen ben ondrofeni ferfolgu. Ma alaten „na anu fu Yehovah ben de nanga den.” — Tori fu den Apostel 11:21.
2. Suma ben meki wan bigin fu pusu na kristen zending activiteit, èn tapu sortu fasi?
2 Suma ben gi na pusu fu bigin nanga na tumsi prenspari kristen zending activiteit disi? Dati ben de Yesus, wan aparti sortu libisma nanga wan faya boskopu èn wan ongewoon methode fu panya dati. Prakseri taki Yesus, a Manpikin fu Gado, ben kon na a dyu pipel nanga wan aparti boskopu di ben go fu a kownukondre fu Gado. Ma den ben abi belangstelling soso fu wroko na den eigi ferlusu nanga yepi fu na wet. — Mattéus 4:17; Lukas 8:1; 11:45, 46.
’Preiki gi ala nâsi’
3. Soru profeititori di Yesus ben taki ben sa musu fruwondru en dyu disipel, èn fu san-ede?
3 Wi kan prakseri pikinso sobun na fruwondru di Yesus dyu disipel ben fruwondru di a ben fruteri den dri dei bifo a dede: „Èn na bun nyunsu disi fu a Kownukondre sa preiki na a heri grontapu pe sma e libi leki wan kotoigi gi ala nâsi èn dan na kaba sa kon.” Den disipel fu en ben sa mu aksi den srefi fa den ben sa kan preiki oiti na bun nyunsu ’gi ala nâsi’. Fa sowan pikin grupu fu bribi sma ben sa kan du oiti sowan kefarlek bigi wroko? — Mattéus 24:14; Markus 13:10.
4. Sortu gebod na Yesus di ben opo baka fu dede ben gi en disipel?
4 Bakaten na Yesus di ben opo baka fu dede ben poti wan gebod a tapu, dati wani taki: „Ala makti na ini hemel èn na grontapu mi ben kisi. Go fu dati-ede èn meki disipel fu sma fu ala nâsi, dopu den ini na nen fu na Tata èn fu na Manpikin èn fu na santa yeye èn leri den fu ondrow ala sani san mi ben komanderi unu.” Na so fasi den ben kisi na woko fu tyari na boskopu fu a meester fu den go na „sma fu ala nâsi”. — Mattéus 28:18-20.
5, 6. (a) Fa na preiki fu na bun nyunsu fu na Kownukondre ben doro na den heiden, èn nanga sortu bakapisi? (b) Fa den owruman na ini Yerusalem ben du di Petrus ben fruteri den na ondrofeni fu en nanga na heiden man Cornelius?
5 Disi ben wani taki taki te fu kaba den ben mu preiki gi heidensma, èn dati ben sori taki a ben de wan tyalensi. Na yeyefasi di Petrus ben sori moro leki dri yari a baka, e kotoigi fu disi. Nanga yepi fu wan fisyun den ben taigi Petrus fu nyan meti di no ben krin leki nyanyan. Di Gado ben taigi en dati sani di fositen sma ben si leki den no krin, now ben mu si leki krin, Petrus ben fruwondru. Dan Gado santa yeye ben tyari Petrus go fisiti na oso fu na heiden man Cornelius, wan Romein edeman fu srudati. Drape a ben si taki a ben de Gado wani taki a ben sa preiki gi Cornelius, awinsi a ben abi na prakseri fositen taki a no ben mag fu abi kontakti nanga sma fu wan tra ras. Aladi Petrus ben e taki, dan santa yeye ben fadon kon tapu na heiden famiri dati èn taki te yu luku en bun a buwijsi ben gi taki na veld gi na kristen zendingwroko ben bradi go now na a grontapu fu sma di no ben de dyu. — Tori fu den Apostel 10:9-16, 28, 34, 35, 44.
6 Di Petrus ben tyari na sani disi di psa kon na krin gi den owruman na ini Yerusalem, „dan den ben saka den srefi na ondro èn den ben prijse Gado èn ben taki: ’Na so Gado ooktu ben gi sma fu den nâsi na okasi fu kisi berow, san e tyari libi kon’” (Tori fu den Apostel 11:18). Now na bun nyunsu fu Kristus èn fu en Kownukondre ben kan go sondro fu wan sani tapu en na den heiden nâsi.
Zendeling gi den nâsi
7. Fa na kristen zending activiteit ben bigin panya ensrefi go na ini den kondre lontu na Middellandse se, èn fa Yehovah ben si disi?
7 Na preikiwroko di baka di den ben kiri Stéfanus ben kisi bigi pusu krakti, ben kisi now wan tra fasi. Boiti den apostel, dan na gemeente ini Yerusalem ben panya go na tra presi. Biginbigin den dyu bribiman dati di ben kisi frufolgu ben preiki soso gi den dyu bribiman na ini Fenicia, Cyprus èn ini Antiochia. „Ma wantu man ben de fu Cyprus èn Cirene, di ben taki nanga den sma di ben taki Grikitongo èn di ben meki na bun nyunsu fu Masra Yesus bekenti.” Fa Yehovah ben si na zending activiteit disi a mindri den nâsi? „Na anu fu Yehovah ben de nanga den èn wan bigi nomru ben tron bribiman èn ben drai teki Masra.” Tangi fu na fri fu taki sondro frede fu den fositen kristen dati meki wan tumsi bun zending activiteit ben bigin panya en srefi go na ini den kondre lontu na Middellandse se. Ma moro sani ben de fu psa ete. — Tori fu den Apostel 4:31; 8:1; 11:19-21.
8. Fa Gado ben meki wan beslissende stap fu meki na gro fu na zending wroko go na fesi?
8 Na wan sani fu 47/48 G.T. Gado nanga yepi fu en santa yeye ben meki wan beslissende stap bekenti di ben sa tyari moro gro kon ini na zending wroko. Na tori na ini Tori fu den Apostel 13:2-4 e fruteri wi: „Na santa yeye [ben taki]: ’Puru a mindri alamala Barnabas nanga Saulus gi mi fu a wroko di mi ben kari den fu du dati.’ . . . Fu dati-ede den man disi, di santa yeye ben seni, ben go na Seleucië [na selanpe fu na Syrisch Antiochië] èn ben waka nanga boto komoto fu drape go na Cyprus.” Fa disi ben mu de wan span tori gi Paulus nanga Barnabas — den ben de a pasi fu go na den fosi dorosei toewijzing! Na apostel Paulus ben teki fesi na ini na kristen zending wroko. A ben poti ooktu na fundamenti fu wan wroko di ben sa kon klari na ini na di fu twenti yarihondro.
9. San na apostel Paulus ben meki du kon nanga na zending waka fu en?
9 Paulus ben du moro fara dri zending waka di wan tori fu en skrifi poti, plus en waka go na Rome leki wan strafuman. Na ini a ten fu den waka disi a ben meki wan bigin nanga na wroko na ini difrenti foto fu Europa èn ben preiki na Kownukondre boskopu na ini kondre èn na eilanti di sma sabi now leki Silicia. Kande a ben doro srefi te na Spanje. A ben yepi fu opo gemeente na ini furu foto. San ben de a kibritori fu en tumsi bun zending activiteit?
Tumsi bun leri
10. Fu san-ede Paulus ben du en zending wroko so bun?
10 Paulus ben waka na baka na leri methode fu Kristus. Fu dati-ede a ben sabi fa a ben kan feni en nanga sma. A ben sabi fa a ben mu leri sma èn ben mu skoro trawan fu de leriman. A ben poti en leri tapu na fundamenti fu den Buku (Tori fu den Apostel 17:2, 3). Paulus ben frustan ooktu na koni fu fiti en srefi na den arkiman èn fu meki gebroiki fu den omstandigheid fu a presi leki wan dyompo planga gi en boskopu. Soleki fa a ben taki: „Mi ben meki mi srefi tron srafu fu ala sma, fu wini moro furu fu den. Èn na so mi ben tron gi den dyu leki wan dyu. . .Gi den di de sondro wet, mi ben tron leki wan sma sondro wet. . ..Gi den swakiwan mi ben kon swaki fu wini swakiwan. Mi ben tron gi ala sortu fu sma ala sani, soso fu ferlusu wantu.” — 1 Korintesma 9:19-23; Tori fu den Apostel 17:22, 23.
11. San e sori taki Paulus nanga en kompe ben de tumsi bun zendeling, èn ofara na kristen diniwroko ben go?
11 Paulus nanga en kompe ben de tumsi bun zendeling. Nanga na man di den ben man fu pusu go doro èn fu hori doro meki den ben opo ala pe pe den ben kon kristen gemeente èn ben tranga den (Tori fu den Apostel 13:14, 43, 48, 49; 14:19-28). Na fruku kristen diniwroko ben panya tapu sowan bigi gebied taki Paulus te fu kaba ben kan skrifi fu „na waarheid fu na bun nyunsu dati, di ben boro kon te na unu, soleki a e meki froktu na ini heri na mekisani di de ondro hemel”. Iya, na fruku kristen zending activiteit ben abi krakti tapu den sma. — Kolossesma 1:5, 6, 23.
12. San ben meki na trutru kristen zending wroko ben kon na wan kaba wan pisiten?
12 Ma na a bigin fu tu yarhondro G.T. na falsi denki ben bigin kon na ini na kristen gemeente. Yesus nanga den apostel ben warskow fu dati (Mattéus 7:15, 21-23; Tori fu den Apostel 20:29, 30; 1 Yohannes 2:18, 19). Ini den yarhondro di ben waka kon na baka dan na Kownukondre boskopu ben kon na ondro dogmatiek nanga heiden leri. Na kristenheid ben seni zendeling go a doro, no fu preiki a tru Kownukondre fu Gado, ma fu poti tapu den sma di ben libi ini na kondre, na kownukondre fu den politiki meester nanga sponser fu den — nofotron nanga faya èn feti-owru. Na trutru kristen zending wroko ben stop. Ma no fu alaten.
13. Fa wan bigin ben meki na ini na ten disi nanga wan zending veldtocht, èn san ben du na a kaba fu 1916?
13 Na a kaba fu na di fu tinaneigi yarhondro Charles Taze Russell, na fosi presidenti fu na Wachttorengenootschap, ben si na fanowdu fu zending activiteit. A ben orga fu dati-ede wan bigi preikiwroko veldtocht, èn en srefi ben fisiti furu foto ini den Verenigde Staten foe Amerkankondre èn a ben waka ooktu nanga boto lontu na grontapu fu fisiti someni kondre leki a kan. Den buku fu en di ben abi leki fondamenti na bijbel ben tyari kon a doro na ini 35 tongo. Leki fa sma e taki dan bifo a ben dede na ini 1916, a ben waka leki publiki takiman moro leki wán nanga afu milyun kilometer èn moro leki 30.000 taki a ben hori.
14. San Yosef F. Rutherford ben du fu meki na zending activiteit go na fesi?
14 A sma di ben teki en presi, Yosef F. Rutherford ben frustan ooktu na tranga fanowdu fu zending activiteit. Na ini na bigin fu den yari ’20 a ben seni bekwaam man go na difrenti kondre fu yepi fu meki a preikiwroko kisi wan bigin. Te yu luku na Kownukondrewroko disi dan a ben de zendeling di ben du wroko di opo na pasi na ini Spanje, Zuid-Amerika nanga West-Afrika. Na ini 1931 wan kari ben go fu fri-wani wrokoman fu tranga na wroko na ini Spanje. Dri yongu man fu Engeland ben gi den nen èn den ben dini drape ondro tumsi muilek èn hebi omstandigheid fo yari langa te leki na Spanyoro burgeroorlog ben kon na ini 1936. Ne den ben mu lon gi den libi.
15. San ben feni presi na ini den yari ’40 fu meki na zending wroko kon moro bigi na wan prenspari fasi?
15 Na ini a ten fu na tin yari fu den yari ’40 moro betre sani ben o seti fu na bun fu na zending activiteit. Na di fu dri presidenti fu na Wachttorengenootschap, Nathan H. Knorr, ben wroko makandra nanga wan grupu fu man di ben abi faya. A de krin taki na ondro na tiri fu na santa yeye a ben si na fanowdu na ini 1942 fu opo wan zendeling skoro leki wan sreka tapu na tyalansi di na ten baka na di fu tu Grontapufeti ben sa pristeri. Leti a mindri fu na Grontapufeti dati a ben teki fesi, èn na ini februari 1943 na ini na noordsei fu na staat New York na Wachttoren bijbelschool Gilead ben wei in. Na skoro ben teri fo leriman èn ben gi ibri siksi mun moro leki 100 faya pionierman nanga pionieruma wan opleiding gi na zending activiteit di abi en fundamenti tapu na bijbel. Den activiteit di ben kon fu dati ben abi bun bakapisi?
16. (a) Omeni Kotoigi ben preiki na ini 1943, èn fa yu kan teki disi gersi nanga a ten disi? (b) Sortu prati den zendeling ben abi na a gro disi? Tyari disi kon a krin.
16 Na ini 1943 yu ben abi soso 126.329 Kotoigi di ben preiki na ini 54 kondre. Fa na situwâsi de now? Now, 45 yari a baka, yu abi 28 tron someni, moro leki dri nanga afu milyun actief bedinari na ini 212 kondre èn eilanti fu se. Wan bun bigi pisi fu na gro disi de fu wi tangi na a tumsi moi fundamenti di ben poti fu na sei fu den moro leki 6.000 zendeling di ben studeri komoto fu na Gileadskoro. Den komoto fu 59 kondre èn na ini na pisiten fu den lasti feifi tintin yari den seni go na 148 difrenti kondre. Nanga yepi fu den yu abi now, tin kondre nanga ibri wan moro leki 100.000 bedinari di e preiki èn e leri sma na bun nyunsu, na presi fu soso wan sani fu moro leki 100.000 Kotoigi na grontapu, soleki 45 yari psa kaba ben de so. Na ini moro furu fu den nâsi disi den Gilead zendeling ben tanapu a fesi fu na evangelisâsi wroko.
17. San na dri fundamenti sani di ben meki na fositen èn a disiten kristen zending wroko de tumsi bun?
17 Efu wi e taki now fu na fositen ofu na disiten zending wroko, fundamenti sani de di ben meki a de tumsi bun. Wan fu den na a kontakti langalanga nanga sma san e kon fu na oso fu oso diniwroko èn a gi fu okasi preiki, èn ooktu na osobijbelstudie seti (Yohannes 4:7-26; Tori fu den Apostel 20:20). Ete wan sani de na rechtstreeks en eenvoudig boskopu di abi en fondamenti tapu na bijbel èn di e poti krakti tapu a Kownukondre fu Gado leki na wan enkri lusu di sa tan gi den problema fu libisma (Tori fu den Apostel 19:8; 28:16, 23, 30, 31). Èn furu fu wi zendeling e dini na ini ontwikkeling kondre, pe na fanowdoe gi Gado regtvaardiki tiri de tumsi krin fu si. Wan di fu dri sani de na lobi di Kristus ben leri èn di wi disiten zendeling e sori na ini den aladei demakandra nanga sma fu ala sortu background. A no de fu taki taki den zendeling fu na Wachttorengenootschap ini den 45 yari di pasa ben gi wan bigi bijdrage ini na gro fu Yehovah organisâsi na a heri grontapu. — Romeini 11:14-17; 1 Korintesma 3:5, 6.
Na pionierwroko e panya ensrefi
18. Suma moro ben teki na srefi yeye fu zending faya leki den sma di ben studeri komoto fu na Gileadskoro?
18 A no de fu taki taki na eksempre fu faya fu den sma di ben studeri komoto fu na Gileadskoro ben wiki na lostu na tra sma fu de furuten bedinari. Nownow yu abi hondro dusundusun tra Kotoigi fu Yehovah di ben teki a srefi yeye abra fu na zending faya. Ooktu den na pionier leki fa a wortu wani taki trutru èn den e go na ini den futumarki fu Yesus „na pionier fu na ferlusu fu den”. — Hebrewsma 2:10; 12:2. Moffatt.
19. Furu Kotoigi nanga na pionier yeye ben pristeri den srefi nanga den friwani fu du san, èn fa den ben firi taki den kisi pai?
19 Sensi den yari ’60 a kon de tumsi muilek fu seni zendeling go na wantu kondre. Na Wachttoren bijbelskoro Gilead e tan seni zendeling gwe so fara leki a kan, èn disi e anga fu na fanowdu di de ini frêmde kondre. Ma na a heri grontapu a veld de tumsi bigi te Kotoigi kan du dienst nanga na tru pionier yeye. Yu ben sa kan moksi yusrefi na den? Nofotron den sortu preikiman disi e taki taki den pina nanga den sani di den offer e meki kon bun srefsrefi nanga na bigi prisiri di a e gi fu gi leri fu den waarheid fu a Kownukondre na sma di yu kan teki gersi nanga skapu na ini ontwikkelingkondre. Den e kisi pai hondrotron fudi den e feni nyun „brada nanga sisa èn mama nanga pikin” èn e meki den teki prati na ini na tumsi moi howpu tapu tego libi „na ini na seti fu sani di e kon”. — Markus 10:28-30.
20. (a) Suma e du a moro bigi pisi fu na preikiwroko na ini furu kondre? (b) Fa a du kon taki Yapan ala yari e gi rapport fu wan moro hei nomru fu velddienst yuru leki pikinmoro fu ibri tra kondre? (c) Sortu aksi mamga reti wi ben sa kan wegi-go-wegi-kon?
20 Boiti fu dati, dan yu abi na ini na ten disi hondro dusundusun dienstknegti fu Yehovah di ibri mun e gi rapport fu santa dienst leki gewoon ofu yepi pionier. Morofuru fu den e wroko fayafaya na ini na birti pe den e libi. Na ini furu kondre a de den sma disi di e du a moro bigi pisi fu na preikiwroko, èn nofotron wiki baka wiki den e tanapu a den srefi oso. Na Kownukondre howpu fu den de fu si na ini a brenki fesi fu den èn na prisiri di den e ondrofeni te den e meki nyun mati èn e kweki na ini na gebied fu den furu belangstelling gi na Kownukondre boskopu. Moro pionier wani taki taki furu moro yuru e gi na a prijse fu Gado. Yapan pe a moro bigi pisi fu Yehovah Kotoigi de sma di ben de fositen Boedhistsma, moro leki tin yari langa, e gi rapport ala yari wan moro hei nomru fu velddienst yuru leki iniwan tra kondre boiti den Verenigde Staten. Disi e kon fudi pikinmoro afu fu den Kownukondre preikiman drape de pionier. Yu tu kan seti yu afersi so, taki yu kan abi wan prati na a tumsi bigi grani disi, na pionier wroko?
21. (a) Fa tra Kotoigi di no de ini den omstandigheid fu gi den nen fu na gewone pionierdienst, toku ete ben kan sori wan pionier yeye? (b) Fa yonguwan kan sori na pionier yeye?
21 Ooktu tra Kotoigi abi „faya gi tumsi bun wroko”. (Titus 2:14). A mindri den yu abi owrusma, preikiman nanga wan takru gosontu, furu sma di abi osofamiri frantiwortu èn yonguwan di e go na skoro ete, èn di kande nanga den omstandigheid fu den no de ini na okasi fu gi den nen fu de gewoon pionier. Ooktu den kan sori wan pionier yeye fudi den e gi den pionier yepi nanga dek ati, èn pe a kan fu de nanga den ini na dienst èn fu hori wan positief yeyefasi ini na tori foe den okasi fu preiki di den srefi abi. Yongusma kan poti na furuten dienst fu na Kownukondre leki na marki di den e feti a baka èn te den dopu kaba, teki prati na a yepi pionierdienst ten na ten. Neleki na yongu Timóteus den kan denki dipi fu den sani disi fu go a fesi makandra nanga heri a pipel fu Gado na yeyefasi. — 1 Timóteus 4:15, 16.
22. Sortu faste bosroiti wi mu teki, san mag de wi situwâsi ooktu ini na libi, èn nanga sortu tumsi moi bakapisi?
22 Meki Yehovah yeye buweigi wi alamala fu abi wan prati dorodoro na en dienst, san mag de ooktu wi situwâsi na ini na libi. Meki „na anu fu Yehovah” tan nanga ibriwan fu wi, sodati den kan taki fu wi sakafasi muiti taki a „wortu fu Yehovah ben tan gro kefarlek bigi èn ben teki sani abra”. — Tori fu den Apostel 11:21; 19:20.
Aksi fu luku san wi ben leri
◻ Fa na kristen zending wroko ben bigin, èn o bigi a ben sa tron?
◻ Sortu prati na apostel Paulus ben abi na a meki kon moro bigi fu na zending wroko?
◻ Fa na zending wroko ini a ten disi ben kisi nyun libi?
◻ Sortu sani ben meki na zending wroko èn na pionier wroko kon de moro bun?
◻ Fa wi kan kisi na ini a ten disi na pionier yeye?
[Faki na tapu bladzijde 15]
Kownukondre activiteit ini tin kondre — 1988
(Ala den kondre disi ben gi rapport na ini 1988 fu moro leki 100.000 preikiman)
Kondre Heimarki Gemiddeld nomru Nomru Sma tapu
preikiman pionier preikiyuru Avondmaal
Amerkankondre 797 104 96 947 161 478 732 1 822 607
Mexico 248 822 32 117 58 061 457 1 004 062
Brasionkondre 245 610 22 725 44 218 022 718 414
Italia 160 584 25 477 43 354 687 330 461
Nigeria 134 543 14 022 27 800 623 398 555
Yapan 128 817 52 183 60 626 840 297 171
Doisrikondre 125 068 8 416 22 029 942 215 385
Ingrisikondre 113 412 11 927 22 103 713 211 060
Filipijnen 107 679 21 320 26 337 621 305 087
Frankrijk 103 734 9 189 21 598 308 205 256
[Prenki na tapu bladzijde 8]
Paulus nanga Barnabas na pasi e go a den fosi zendingwroko