Tafereel fu na pramisi kondre

Den nâsi e kon makandra na Megiddo

„WETENSCHAPPELEK ondrosukuman ben abi wan faya takmakandra fu wan Armageddon di o kon na a heri grontapu”, wan wetenschappelek artikel e fruteri fu na aksi ofu wan kernoorlog sa tyari wan kowru leki ijs „nucleaire kowruten” ofu wan hati leki faya nucleaire dreiten kon.

Kande yu ben leisi den sortu kommentaar disi pe Armageddon e tyari kon ini a tori fu wi muilek ten. San na „Armageddon”? Yu ben sa wani sabi disi sote, a no so, bika a libi fu yu de ini a tori.

Luku na a loktu fowtow di druk dya a tapsei fu Megiddo. A ben de wan strategis presi na ini na Israël fu owruten. Na apostel Yohannes ben gebroiki a nen fu en di a ben fruteri fu na „presi di na ini dyu tongo den e kari Har-Mágedon [bergi fu Megiddo, ofu Armageddon]” (Openbaring 16:16). Sabi fu na bakagron fu Megiddo e tyari wan moro krin leti kon tapu den wortu dati.

Ini na karta di de dya yu kan si fa a didon. Megiddo te yu luku en bun ben meki yu luku na tapu tu prenspari pasi. Na Karmel ben tapu a noord-zuid-route mindri Egypte ini zuidsei nanga Damaskus ofu tra foto na na sei fu na Eufraatliba na ini noordsei. Legre nanga karavaan fu bisnissma sobun wani ofu den no ben wani den ben musu hari psa wan lagi pasi seisei fu Megiddo, na pasi leti-anusei tapu na fowtow. Na noordsei-zuidsei pasi, di e waka psa na pasi disi na ini na lagipresi fu Yizreël ben kroisi abra na prenspari route mindri Tyrus nanga na lagi Yordaanpresi, ofu Samaria nanga Yerusalem. Megiddo di ben de na tapu na kroisipunt fu den route disi, te yu luku en bun, ben kan hori ai bun tapu ala sma di ben waka psa, èn na lagipresi di ben de na fesi fu Megiddo ben tron wan presi pe feti ben feti te wan winiman ben musu kon na fesi.

Na so krutuman Barak ben wini dya den Kanaänsma di ben de ondro na legre edeman Sisera di ben abi 900 fetiwagi di ben abi isri nefi (Krutuman 4:1-3, 12-16; 5:19). Bakaten Farao Necho ben tyari wan tranga Egypte legremakti, di ben de fu srudati nanga wagi, via na kustroute (fu dati-ede a nen Via Maris ofu Sepasi) go na a noordsei fu yepi den Assyriasma na ini a birti fu na Eufraatliba na ini a feti. Fu na wan ofu tra reide na dya kownu Yosia ben teki na bosroiti fu teki a kans fu wan internationaal tuka nanga Necho. Ma pe? Aladi na lagipresi na Megiddo didon sowan 900 kilometer noordsei fu Yerusalem, toku a ben teki a presi dati fu feti. — 2 Kronieken 35:20-22; Yeremia 46:2.

A ben sabi taki den Egyptesma psa drape èn a ben kan prakseri taki a ben de na ini wan moro bun posisi tapu den, fudi a ben de krosbei fu wan fortresi fu Israël. Soleki yu kan si, dan Tell (Pikin bergi) Megiddo de kefarlek bigi owru foto ben de wan kefarlek bigi fortresi. Salomo ben meki Megiddo kon tranga èn a de krin taki a ben bow massief ston skotu èn wan kefarlek bigi doro di de leki wan kibripea (1 Kownu 9:15). Na a krutu anusei fu na Tell (Pikin bergi) yu kan si wan bigi, ovale olo, di de a doro di e go a wan kefarlek muiliki waterleiding sistema. Wan trapu di tanapu letôpu e tyari yu go na ondrosei, na wan langa ondrogron gotro di ben koti nanga bijtel psa na ston fu a bergi èn ben gi den Israëlsma pasi fu go na a fonten fu watra aladi den ben kisi kibri teige aanval. Archeoloogman ben tyari kon a tapu ooktu san ben tan abra fu wan ten fu sowan 450 asi kande fu na ten fu na tiri fu kownu Achab. — Teki gersi nanga 1 Kownu 9:19

Na ini na feti na Megiddo di ben tyari wan winiman kon a fesi Yosia ben kisi mankeri te fu dede èn di a ben drai go baka na Yerusalem a ben dede (2 Kownu 23:28-30). Disi kande ben de a reide fu ’na bari krei na ini na lagipresi fu Megiddo’, di Zacharia 11:12 e taki fu en. No langa baka na lasi fu Yosia dan Babylon ben bradi en srudati veldtocht go te na a swaki Yudéa. — 2 Kownu 24:1, 2, 12-14; 2 Kronieken 36:1-6.

Nanga den sortu bakagron disi yu sa frustan fu san-ede na ini Openbaring di na apostel Yohannes ben skrifi, den kan grabu baka tapu Megiddo pe den taki a fesi na ini taki ’den kownu fu na heri grontapu pe libisma e libi e tyari konmakandra na a feti fu na bigi dei fu Gado na Almaktiwan’. Nowan enkri presi na grontapu, èn seiker no na lagipresi di Tell-Megiddo abi ondro en makti, ben sa kan hori ala nâsi di de teige Gado. Ma nanga Armageddon ofu Har-Mágedon tapu wan fasi di fiti e prenki na situwâsi fu na feti dati pe wan winiman sa kon a fesi. — Openbaring 16:14, 16; 19:11-21.

Meki politikiman nanga korantiman sobun denki fowtu fu Armageddon leki wan kernoorlog di sa pori grontapu. Ma te yu hori na historia fu Megiddo na ini prakseri, dan yu kan frustan na afersi moro soifri. Yu kan frustan taki Armageddon de na situwâsi pe ala nâsi dyonsro sa tyari kon gi na bigi feti pe Gado sa wai na disiten goddelowsu seti fu sani puru èn sa opo na pasi gi wan regtvaardiki nyun grontapu. — 2 Petrus 3:11-13.

[Futuwortu]

[Karta na tapu bladzijde 44]

(Efu yu wani si pe den sani disi skrifi, luku a tijdschrift)

Great Sea

Damascus

Tyre

Sea of Galilee

Acco

Caramel Range

Megiddo

Via Maris

Joppa

Egypt

Beth-Shean

Dothan

Samaria

Shechem

Jerusalem

Jordan River

Mi 0 10

Km 0 10 20

[Sma di abi a reti fu a karta]

Based on a map copyrighted by Pictorial Archive (Near Eastern History) Est. and Survey of Israel

[Prenki na tapu bladzijde 43]

Tapu na kalender fu Yehovah Kotoigi fu 1989 yu sa feni wan moro bigi prenki fu Megiddo. Den siksi prenki fu na kalender disi fu na yari disi wi sa taki fu den ini Wachttoren-artikel di kande yu wani kibri fu gebroiki den ini a ten di e kon na a kalender.

[Sma di abi a reti fu a prenki]

Pictorial Archive (Near Eastern History) Est.

[Prenki na tapu bladzijde 45]

Na temre disi fu Egypte sa yepi yu fu tyari kon na yu fesi na hari di Farao Necho ben hari psa Megiddo, pe a ben wini kownu Yosia

[Sma di abi a reti fu a prenki]

Pictorial Archive (Near Eastern History) Est.