Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • w98 1/11 blz. 30-31
  • Jesus ben teki ten foe de nanga pikin

Felem no de na a pisi disi.

Sorry, wan sani no go bun di wi pruberi fu drai a felem.

  • Jesus ben teki ten foe de nanga pikin
  • A Waktitoren—A e taki fu Yehovah Kownukondre 1998
  • Edeprakseri
  • A srefi sortu tori
  • Jesus e gi den pikin wan switikon
  • Wan lès gi wi
  • ¿Yu Abi „a Denki fu Krestes”?
    A Waktitoren—A e taki fu Yehovah Kownukondre 2000
  • Wi pikin na gudu di warti srefisrefi
    A Waktitoren—A e taki fu Yehovah Kownukondre 2005
  • Joe abi na denki foe Kristus?
    A Waktitoren—A e taki fu Yehovah Kownukondre 1986
  • Kweki joe pikin foe lobi Jehovah
    A Waktitoren—A e taki fu Yehovah Kownukondre 1983
Moro sani
A Waktitoren—A e taki fu Yehovah Kownukondre 1998
w98 1/11 blz. 30-31

Den ben doe a wani foe Jehovah

Jesus ben teki ten foe de nanga pikin

JESUS en diniwroko foe dri nanga afoe jari ben doro en kaba. Heri esi a ben sa go na Jerusalem èn ben sa pina wan hati dede. A ben sabi heri boen san ben wakti en, bika a ben taigi den disipel foe en: „Den sa gi a Manpikin foe libisma abra na libisma anoe, èn den sa kiri en.” — Markus 9:31.

A no de foe taki, dati Jesus ben sa wani meki boen gebroiki foe ibri dei, ibri joeroe, ibri momenti di ben libi ete. A ben moesoe poti prakseri ete na tapoe den disipel foe en. Jesus ben si taki den ben abi tranga froemane fanowdoe ete ini a tori foe sakafasi èn a kefar foe naki foetoe, wan kefar di ben de ala ten baka (Markus 9:35-37, 42-48). Den ben abi leri fanowdoe toe foe trowlibi, broko-trow, èn foe a tan di sma e tan den wawan sondro foe trow (Mateus 19:3-12). Foe di Jesus ben sabi taki a ben o dede heri esi, meki taki a no ben taki langabere tori nanga den disipel foe en èn a ben taki sondro draidrai. Ten ben de kefalek prenspari — èn dati e meki a sani di Jesus e doe now de wan sani di de toemoesi aparti srefisrefi.

Jesus e gi den pikin wan switikon

A bijbel tori e taki: „Den sma ben bigin tjari jongoe pikin kon na en, foe a ben kan fasi den.” Di den disipel ben si disi, dan wantewante den ben sori taki den no ben feni dati boen. Kande den ben denki taki Jesus ben de so prenspari noso taki a ben abi toemoesi foeroe sani foe doe, taki a no ben kan broko en ede nanga pikin. Prakseri fa den disipel ben moesoe froewondroe dan, di Jesus ben mândi na den tapoe! „Meki den jongoe pikin kon na mi”, a ben taigi den. „No proeberi foe tapoe den bika a kownoekondre foe Gado na foe sma di de leki den.” Jesus ben taki moro fara: „Foe troe mi e taigi oenoe taki: A sma di no e teki a kownoekondre foe Gado leki wan jongoe pikin no sa go na ini kwetikweti.” — Markus 10:13-15.

Jesus ben si kefalek moi eigifasi na ini den pikin. Foeroe tron den pikin wani sabi sani èn den de foe froetrow. Den sa bribi den wortoe foe den papa nanga mama, èn srefi horibaka gi den na fesi tra pikin. A wani di den wani teki sani èn teki leri, na wan sani di ala sma di abi a winsi foe go na ini Gado Kownoekondre moesoe waka na baka. Soleki fa Jesus ben taki, dan „a kownoekondre foe Gado na foe sma di de leki den”. — Teki gersi Mateus 18:1-5.

Ma Jesus no ben gebroiki den pikin disi nomo leki wan eksempre. A tori e tjari kon na krin taki troetroe Jesus ben lobi foe de nanga den pikin. Markus e froeteri taki Jesus „ben teki den pikin na ini den anoe foe en èn a ben bigin blesi den, ala di a ben e poti den anoe foe en na den tapoe” (Markus 10:16). Soso a tori foe Markus abi a waran pisi taki Jesus „ben teki den pikin na ini den anoe foe en”.a So boen, Jesus ben doe moro leki san den bigisma ben froewakti di den ben tjari den pikin disi na Jesus foe a ben kan „fasi” den nomo.

San a ben wani taki dati Jesus ben „e poti den anoe foe en” na tapoe den pikin? A sani disi djaso no e sori go na wan relisi seremonia, soleki a teki di wan sma e teki dopoe. Ala di na wan toe okasi a poti di wan sma ben poti en anoe na tapoe wan trawan, ben wani taki dati a sma ben poti na wroko, tokoe na tra okasi a ben kan sori nomo a blesi di wan sma e blesi wan tra sma (Genesis 48:14; Tori foe den Apostel 6:6). So boen, a kan taki Jesus ben blesi den pikin nomo.

Awansi fa a no fa, Markus e gebroiki wan moro tranga wortoe gi „blesi” (ka·teu·lo·geʹo), wan wortoe di e sori tapoe wan krakti di e kon moro tranga. Disi e sori taki Jesus ben blesi den pikin fajafaja na wan safoe fasi èn na wan waran fasi. A de krin taki Jesus no ben si den pikin leki wan hebi di e njan foeroe ten.

Wan lès gi wi

A fasi fa Jesus ben handri nanga pikin èn nanga bigisma, no ben frede den toe èn so srefi a no ben lagi den toe. „[Jesus] ben moesoe lafoe makriki èn nanga prisiri”, na so wan boekoe e taki. A no de foe froewondroe, taki awansi omeni jari den sma ben abi, tokoe den ben firi boen te den ben de nanga Jesus. Te wi e prakseri na eksempre foe Jesus, dan wi kan aksi wisrefi: ’A de so, taki trawan feni taki mi na wan sma pe den kan kon?’ ’A gersi taki mi abi so kefalek foeroe sani foe doe, taki den wroko nanga den broko-ede foe tra sma, e froeferi mi?’ Efoe wi e kweki wan opregti belangstelling gi tra sma, dan dati sa boeweigi wi foe gi wisrefi neleki fa Jesus ben gi ensrefi. Tra sma sa firi taki wi abi opregti belangstelling gi den èn dati sa hari den kon na wi. — Odo 11:25.

Soleki fa a tori foe Markus e sori, dan Jesus ben prisiri foe de nanga pikin. Soleki fa a sori, dan Jesus ben teki en ten foe loekoe fa den pikin ben prei, bika na ini wan foe den eksempre foe en a ben sori go na a prei di den pikin e prei (Mateus 11:16-19). Kande wan toe foe den pikin di Jesus ben blesi, ben jongoe toemoesi foe froestan soema Jesus ben de èn san a ben e leri sma. Ma disi no ben meki Jesus firi taki a ben e lasi en ten. A ben teki ten foe de nanga den pikin, bika a ben lobi den. Soleki fa a sori, dan foeroe foe den pikin di Jesus ben miti ini a diniwroko foe en, baka ten ben piki boen tapoe a lobi di a ben sori den di den ben tron disipel foe en.

Efoe Jesus ben teki ten foe de nanga pikin na ini den lasti moeilek wiki foe en libi, dan seiker wi kan teki ten foe de nanga den pikin ala di wi abi foeroe foe doe. Wi moesoe hori spesroetoe den wan na prakseri di abi spesroetoe jepi fanowdoe, soleki den boi nanga den meisje di no abi papa nanga mama. Foe troe, ala den pikin e gro boen te trawan e poti prakseri na den tapoe, èn a de a wani foe Jehovah taki wi gi den ala lobi nanga jepi di wi kan gi. — Psalm 10:14.

[Foetoewortoe]

a Wan vertaling e taki dati Jesus „ben brasa den”. Wan trawan e taki dati a „ben teki den na ini a safoe pisi foe en anoe”.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma