Gi den yonguwan

Luku bun nanga takru kompe!

Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki a e pasa trutru na yu fesi.

Den moro prenspari sma: Dina, Sikem, Yakob, Simeon, nanga Leifi

A tori: Sikem e dwengi Dina fu abi seks nanga en, èn fu dati ede den brada fu Dina e ati bron so te taki den du en wan ogri baka.

1 PRUBERI FU SI SAN E PASA.​—LEISI GENESIS 34:1-31.

Sortu sani yu denki taki Dina ben du makandra nanga den mati fu en na ini Kanan?

․․․․․

Sortu sani yu denki taki Sikem ben tan taigi Dina fu kori en?

․․․․․

Efu yu ben o man yere a sten fu Yakob di a piri-ai gi Simeon nanga Leifi, soleki fa skrifi na ini vers 30, dan fa yu denki taki a ben e firi?

․․․․․

2 ONDROSUKU A TORI MORO FINI.

Fu san ede yu denki taki Dina ben e go doronomo na den umapikin fu Kanan? (Fu eksempre, sortu sani di den ben e du, Dina ben lobi tu? Sortu sani di a ben si na den sma fu Kanan, a no ben abi na oso?)

․․․․․

Sortu moi fasi Dina ben si kande na Sikem? (Leisi vers 3, 12, nanga 19 ete wan tron.)

․․․․․

Fa Bijbel e sori taki Dina no ben wani abi seks nanga Sikem? (Leisi vers 2 ete wan tron.)

․․․․․

Yu denki taki a ben de wan bun sani taki Simeon nanga Leifi pai ogri fu ogri di den kiri den sma fu a foto fu Sikem? Fu san ede yu taki so?

․․․․․

3 DU SAN YU LERI. SKRIFI DEN SANI DI YU LERI FU . . .

A suku di yu musu suku mati nanga koni.

․․․․․

A reide fu san ede yu musu hori yusrefi, srefi te yu abi a reti fu atibron.

․․․․․

TRA SANI DI YU KAN LERI FU A PISI TORI DISI.

San yu kan du fu sorgu taki sma di no abi lespeki gi den markitiki fu Gado, no gebroiki yu fu plisi den sekslostu fu den?

․․․․․

4 SORTU SANI NA INI A TORI DISI YU BEN FENI MOI, ÈN FU SAN EDE?

․․․․․

Efu yu no abi wan Bijbel, dan aksi Yehovah Kotoigi fu kisi wan