Gi den yonguwan

Fa fu kakafutu gi tesi

YOSEF​—PISI 1

Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki a e pasa trutru na yu fesi.

Den moro prenspari sma: Yosef, èn a wefi fu Potifar

A tori: Yosef e kakafutu gi a wefi fu Potifar di ben wani kisi en fu abi seks nanga en.

1 PRUBERI FU SI SAN E PASA.—LEISI GENESIS 39:1-12.

O moi èn o bigi yu denki taki na oso fu Potifar ben de?

․․․․․

Fa yu denki taki Yosef ben de? (Leisi vers 6 baka.)

․․․․․

Fa yu denki taki Yosef ben e taki nanga a wefi fu Potifar na ini vers 8 nanga 9?

․․․․․

2 ONDROSUKU A TORI MORO FINI.

San ben kan meki en makriki gi Yosef fu no tyari ensrefi na wan bun fasi moro? (Leisi Filipisma 2:12, èn prakseri fa a situwâsi fu Yosef ben de. Fu eksempre, pe den famiriman fu Yosef ben de èn pe den tra anbegiman fu Yehovah ben de?)

․․․․․

Fu san ede yu denki taki Yosef ben si en leki wan sondu teige Gado te a ben o du sutadu, aladi na a ten dati Gado no ben gi nowan wet di e taki dati sma no mag du sutadu? (Leisi èn prakseri fu den tekst di e kon now: Genesis 2:24; 12:17, 18; Romesma 2:14, 15; nanga Hebrewsma 5:14.)

․․․․․

3 DU SAN YU LERI. SKRIFI DEN SANI DI YU LERI FU . . .

A hori di yu e hori yusrefi, e meki yu tyari yusrefi na wan lespeki fasi.

․․․․․

A wini di sma e kisi te den e hori densrefi na den markitiki fu Gado di e sori fa wi musu tyari wisrefi.

․․․․․

Fu san ede a de fanowdu fu ’leri fa fu gebroiki wi frustan’ (Hebrewsma 5:14).

․․․․․

TRA SANI DI YU KAN LERI FU A PISI TORI DISI.

Na ini sortu tra situwâsi na ini a libi yu no musu draidrai fu kakafutu gi hurudu? (Leisi èn prakseri fu Yob 31:1; Psalm 119:37; Efeisesma 5:3, 4.)

․․․․․

4 SORTU SANI NA INI A TORI DISI YU BEN FENI MOI, ÈN FU SAN EDE?

․․․․․

Efu yu no abi wan Bijbel, dan aksi Yehovah Kotoigi fu kisi wan