Gi den yonguwan
Gado puru den na ini wan faya onfu!
Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki a e pasa trutru na yu fesi.
Den moro prenspari sma: Sadrak, Meisak, Abedneikow, nanga Nebukadnesar
A tori: A bribi fu dri yongu Hebrewman e kisi tesi.
1 PRUBERI FU SI SAN E PASA.—LEISI DANIÈL 3:1-30.
Taki sortu sani yu denki taki yu ben o yere te yu e leisi vers 3-7.
․․․․․
Fa yu denki taki a faya onfu ben de?
․․․․․
Fa yu denki taki Nebukadnesar ben firi di a taigi sma fu faya na onfu seibi tron moro leki fa den ben gwenti du? (Leisi vers 19 nanga 20 ete wan tron.)
․․․․․
Fa yu denki taki a di fu fo man na ini na onfu ben de? (Leisi vers 24 nanga 25 ete wan tron.)
․․․․․
Sortu fasi yu si taki Sadrak, Meisak, nanga Abedneikow abi te den e taki nanga Nebukadnesar na ini vers 16-18?
․․․․․
2 ONDROSUKU A TORI MORO FINI.
O bigi a popki ben de di Nebukadnesar ben meki? (Leisi vers 1 ete wan tron.)
․․․․․
Te yu e teki vers 19 nanga 20 gersi nanga vers 28 nanga 29, dan sortu fasi yu feni taki Nebukadnesar ben abi?
․․․․․
3 DU SAN YU LERI, SKRIFI DEN SANI DI YU LERI . . .
Fu san ede a prenspari fu sori lespeki gi den wan di abi makti?
․․․․․
Fu san ede a prenspari fu opo taki gi a bribi fu yu?
․․․․․
Fa Yehovah kan yepi yu te yu e kisi tesi
․․․․․
TRA SANI DI YU KAN LERI FU A PISI TORI DISI.
Na ini sortu situwâsi a bribi fu yu kan kisi tesi?
․․․․․
Fa a tori fu Sadrak, Meisak, nanga Abedneikow o yepi yu fu tan gi yesi na Gado?
․․․․․
4 SORTU SANI NA INI A TORI DISI YU BEN FENI MOI, ÈN FU SAN EDE?
․․․․․
Efu yu no abi wan Bijbel, dan aksi Yehovah Kotoigi fu kisi wan