PIKI TAPU AKSI FU BIJBEL

Pe Didibri komoto?

A no Gado meki Didibri. Na presi fu dati, Gado ben meki wan engel di bakaten tron Didibri. Wi sabi en tu leki Satan. Yesus ben sori taki wan ten ben de di na engel disi no ben abi nowan enkri bedrigifasi èn a no ben abi fowtu. Sobun, na a bigin, Didibri ben de wan reti-ati yeye manpikin fu Gado.​—Leisi Yohanes 8:44.

Fa wan bun engel ben kan tron wan Didibri?

Na engel di tron Didibri bosroiti fu opo ensrefi teige Gado èn a gi den fosi tu libisma deki-ati fu horibaka gi en. Na so ensrefi meki taki a tron Satan, san wani taki „Gensman”.​—Leisi Genesis 3:1-5; Openbaring 12:9.

Neleki ala den tra engel fu Gado, na engel di tron Didibri ben kan bosroiti efu a ben o du bun noso ogri. Ma a bigin angri fu sma anbegi en. Na angri di a ben abi fu kisi glori, ben bigi moro na angri di a ben abi fu du Gado wani.​—Leisi Mateyus 4:8, 9; Yakobus 1:13, 14.

Na sortu fasi Didibri tan kori sma teleki now? Yu musu frede en? Yu kan feni den piki tapu den aksi disi na ini Bijbel.