Meki wi bekwaamheid foe leri sma kon moro boen
Na wi leki dinari foe na boen njoensoe a frantwortoe ben gi foe meki discipel (Matt. 28:19, 20). Na ini Bakrakondre soso ini den féfi jari di psa 4.081 njoen discipel ben dopoe. Disi e sori na tapoe dati Jehovah blesi de tapoe oen krakti di wi gi na ini a diniwroko. Ma ala den njoen discipel disi kisi jepi so fara foe go leri trawan? Ija, oen ala ben loekoe boen dati te wi e meki discipel dati oen bekwaamheid foe gi leri de hé nofo? Wi e meki discipel di tanapoe stéfi nofo ini a boen fasi foe gi leri sodati den kan jepi trawan?
2 Now wi abi toe moi njoen jepi sani na ini a gi leri: Joe kan libi foe tégo na ini wan paradijs na grontapoe, gi den njoen sma, èn Bondroe kon na wan ini na anbegi foe a wan troe Gado, gi den studenti di de moro fara. A no de foe taki dati wan boen gebroiki foe den jepi disi te wi e gi leri sa jepi moro sma foe tron discipel foe Kristus. Disi e poti krakti na tapoe o fanowdoe a de foe poti moro prakseri na den difrenti fasi foe gi leri èn di sa jepi wi èn den sma di wi e gi leri foe tron na ala fasi warti kristen discipel. — 1 Tim. 4:16; 2 Tim. 3:16, 17.
JEZUS BEN DE WAN LERIMAN
3 Na Bigi Leriman, Jezus Kristus, ben libi wan model gi oen foe waka na en baka na ini a tori foe leri trawan. En ben e waka na baka en Tata Jehovah (Joh. 5:19; 6:45; 8:28). A ben e sori bigi persoonlek belangstelling gi den sma di ben e kisi leri foe en. A ben lobi den discipel foe en èn a ben e tjari persoonlek ofrandi foe den ede (Mark. 6:31-34). En leri ben abi krakti, nanga wan boen fundamenti tapoe na Wortoe foe Gado di skrifi nanga jepi foe en santa jeje (Matt. 7:28, 29). A ben e sori pasensi èn alaten a ben e sori switifasi, srefi te a ben moesoe pir’ai gi den di a ben e gi leri. A ben sabi gi leri boen na wan volmaaktifasi. A ben gi leri nanga a boen eksempre di a ben e gi, foe di ensrefi ben e doe sani di a ben e gi trawan dek’ati foe doe. Èn a ben e meki gebroiki foe gersitori di fiti (Matt. 13:34). A ben e gi tranga foe go denki foe di tapoe wan konifasi a ben e meki gebroiki foe aksi (Matt. 17:24-26). A ben e taki den sani foeroetron baka foe kan de séker dati a punt foe san a e go, ben prani go boen na ini a edetonton foe den arkiman (Joh. 21:15-17). A no ben leri sma soso foe gi sabi abra na trawan, ma ook toe foe dipi a ferstan — nanga san a ben e jepi en discipel foe tranga den bribi èn foe kon na ini wan moro krosbé matifasi nanga Jehovah. A ben bow ini den discipel den fasi di den ben abi fanowdoe foe de dinari di e tjari froktoe kon èn foe tan horidoro na ini bribi. — Tori. 1:8.
4 Efoe wi de foe den doesoendoesoen njoen sma di no so langa ete tron kristen discipel ofoe dati wi abi foeroe jari ondrofeni kaba, wi ala moesoe proberi foe waka soifri baka na eksempre foe Jezus, a Bigi Leriman. Artikel ini tra Kownoekondre Dienst di sa kon ete sa jepi oen foe meki oen bekwaamheid foe gi leri kon moro betre.